Sergei Lavrov.
Moskva/18.01.21/Turan: Dağlıq Qarabağın müstəqilliyini tanımaq və Rusiyanın tərkibinə daxil etmək fikri Moskvanın ağlının ucundan belə keçmir, bu barədə bazar ertəsi RF XİN başçısı Sergey Lavrov bildirib.
“Dağlıq Qarabağın RF-nin tərkibinə daxil edilməsi barədə ekzotik təklifə gəlincə, Qarabağın müstəqilliyini heç kim, o cümlədən Ermənistan Respublikası tanımayıb, belə bir fikir bizim ağlımızın ucundan belə keçmir.
Biz hesab edirik ki, bu regionun bütün məsələləri burada yerləşən ölkələr və ilk növbədə Ermənistan və Azərbaycan arasında həll edilməlidir”, deyə Lavrov yanvarın 18-də keçirilən mətbuat konfransında bildirib.
O vurğulayb ki, RF bu regionda sülhü, sabitliyi, təhlükəsizliyi təmin edəcək həllin axtarışında köməklik göstərməyə hazır olacaq.
Xatırladaq ki, son həftələr ərzində Dağlıq Qarabağ separatçılarının liderləri, xüsusən “Təhlükəsizlik Şurası”nın rəhbəri Vitali Balasanyan, onun sələfi Samvel Babayan, daha sonra isə həm də özünü “xarici işlər naziri” adlandıran David Babayan bu cür fikirlər səsləndirib.
Maraqlıdır ki, bu absurd bəyanatları ən çox Rusiya KİV-ləri və ilk növbədə RİA-Novosti dövlət agentliyi dərc edirdi. -02D-
Siyasət
-
"Kanal 11" internet televiziyasının rəhbəri Teymur Kərimov və onunla birlikdə mühakimə olunan İstək Totiyevanın cinayət işi üzrə məhkəmə prosesi dekabrın 28-də çatıb.
-
Dekabrın 28-də fəal Bəxtiyar Hacıyevin işi üzrə prosesdə dövlət ittihamçısı onun 11 il azadlıqdan məhrumetmə cəzasına məhkum edilməsini istəyib. Müdafiə tərəfi bununla razı deyil və fəala bəraət verilməsində israr etmək niyyətindədir. Növbəti iclas yanvarın 6-na təyin edilib.
-
Dekabrın 25-də AZAL-a məxsus təyyarə qəzasını araşdırmaq üçün türkiyəli ekspertlərdən ibarət istintaq qrupu Bakıya gəlib.
-
Cümə günü Birləşmiş Ştatlar demokratiya xələl gətirdiyinə görə gürcü milyarder Bidzina İvanişviliyə - ölkənin faktiki liderinə qarşı sanksiyalar tətbiq edib. Sanksiyalar İvanişviliyə məxsus olan bütün Amerika aktivlərini dondurur, bu barədə cümə günü ABŞ Dövlət Departamentinin və Maliyyə Nazirliyinin nümayəndələri jurnalistlərə bildiriblər. Yeni tədbirlərlə İvanişviliyə məxsus olan qurumların iştirakı ilə həyata keçirilən tranzaksiyalar da dayandırılacaq. Xəbəri Turan-ın müxbiri verib. Dövlət katibi Entoni Blinken bildirib ki, İvanişvili və onun partiyası "Gürcüstanın Avroatlantik gələcəyinə mane olaraq" onu "Gürcüstan ərazisinin 20 faizindən çoxunu işğal altında saxlamaqda davam edən" Rusiya qarşısında müdafiəsiz qoyub.
Rəy yaz