Jean-Baptiste Lemoyne
Lemuan: Fransa Azərbaycanın işğaldan azad edilmiş ərazilərinin bərpasında iştirakına maneə görmür
Bakı/27.01.21/Turan: Fransa şirkətləri Azərbaycanın işğaldan azad edilmiş ərazilərinin bərpası üzrə layihələri təqdim edə bilər. Bu barədə yanvarın 27-də Bakıda Fransa XİN dövlət katibi Jan-Batist Lemuan jurnalistlərlə söhbətində bildirib. Lemuan işarə edib ki, Bakıya səfəri zamanı Bakı və Parisin qarşılıqlı münasibətlərindəki problemlər aradan qaldırılıb.
Yanvarın 27-də dövlət katibi Fransa şirkətinin Azərbaycan üçün inşa etdiyi iki elektrik qatarının təqdim olunduğu dəmir yolu deposuna baş çəkib və iki ölkə arasında əməkdaşlıq səviyyəsini yüksək qiymətləndirib. Onun sözlərinə görə, Cənubi Qafqazda kommunikasiyaların bərpası üçün dəmir yolları mühüm əhəmiyyət kəsb edib və Fransa ilə Azərbaycan birgə çalışacaqlar.
Parisin Qarabağ nizamlanmasında iştirakına toxunan Lemuan deyib ki, Fransa 10 noyabr üçtərəfli sazişin həyata keçirilməsi üçün səylərini davam etdirəcək.
Xatırladaq ki, ötən gün Lemuan Azərbaycan prezidenti və xarici işlər naziri ilə görüşüb. -02D-
Siyasət
-
“Abzas Media”nın həbsdə olan jurnalistləri həbsxanada da öz araşdırmalarınıdayandırmırlar. Onlar artıq 1 saylı Bakı İstintaq Təcridxanasında məhbuslara fiziki təzyiq faktlarını açıqlayıblar. Bu dəfə onlar diqqəti məhbusların saxlanılma ağır şəraitinin ağır olmasına, dövlət hesabına onlara ayrılan ərzaq, geyim, yataq ləvazimatları, gigiyenik vasitələrin verilməməsinə yönəldiblər.
-
Avropa İttifaqının 27 üzv dövləti Gürcüstandakı vəziyyəti, o cümlədən bu ölkə ilə vizasız rejimin ləğvi imkanını dekabrın 16-da keçiriləcək Xarici İşlər Şurasının iclasında müzakirə edəcək. Bu barədə cümə günü Aİ-nin Gürcüstandakı səfiri Pavel Hercinski məlumat verib.
-
Hüquq müdafiəçisi Rüfət Səfərov 1 saylı İstintaq Təcridxanasının personalının müttəhim Fazil Qasımova qarşı pis münasibətilə əlaqədar ombudsman Səbinə Əliyevaya müraciət edib. Bundan sonra vəziyyət yaxşılığa doğru dəyişib, əsəsən Qasımova icazə veriblər ki, mühafizəçinin nəzarəti olmadan iki saatdan çox qardaşı ilə söhbət etsin. Bu barədə Turan-a "Müdafiə xətti" hüquq-müdafiə təşkilatının rəhbəri Rüfət Səfərov bildirib.
-
Çərşənbə günü Bakı Ağır Cinayətlər Məhkəməsində birinci qrup əlil Famil Xəlilovun məhkəməsi davam edib. O, narkotik maddələrin qanunsuz dövriyyəsində ittiham olunur.
Rəy yaz