Lənkəranda müsavatçıya qarşı təxribat

Lənkəran şəhər sakini, Qarabağ müharibəsi əlili (II qrup) Rəşid Kərimov Müsavat Partiyası rəhbərinin müşaviri Yadigar Sadıqlı tərəfindən döyüldüyünü bildirib və onun cəzalandırılmasını tələb edib.

 
Y.Sadıqlı Turan-ın müxbiri ilə söhbətində bunu onun həbsi məqsədilə təxribat adlandırıb. “Bütün bunlar yalandır. Görünür, məni həbs etmək üçün indidən əsas hazırlayırlar. Belə ki, hakimiyyət məni aktiv siyasi fəaliyyətimə görə cəzalandırmaq istəyir”, - Y.Sadıqlı bildirib.
 
Onun sözlərinə görə, iyunun 25-də axşam çayxanada olarkən narkotik maddə istifadəçisi olan Rəşid Kərimov onun yanında oturub. O, müxalifəti söyərək Y.Sadıqlını təxribata çəkmək istəyib. Lakin Y.Sadıqlı ona qarşı belə təxribatın hazırlanması haqda məlumatı olduğuna görə reaksiya verməyib.
 
“Nə bu cür təxribatlarla, nə də hədələrlə məni öz əqidəmdən döndərə bilməzlər”, -  Y.Sadılqı qeyd edib. 05B-  

Rəy yaz

Siyasət

Bizi sosial şəbəkələrdə izləyin

Xəbər lenti