Lukaşenko təkrar edib ki, Azərbaycan 5 rayonun azad edilməsi üçün Ermənistana 5 milyard dollar təklif edib

Bakı/01.11.22/Turan: Vaxtilə Azərbaycan prezidenti İlham Əliyev Ermənistana 5 milyard dollarlıq investisiya müqabilində Qarabağ ətrafında beş rayonu azad etməyi təklif edib. Bu barədə noyabrın 1-də Belarus prezidenti Aleksandr Lukaşenko KTMT baş katibi Stanislav Zasla görüşdə bildirib.

"Mən İlham Əliyevin yanına getdim, onunla söhbət etdim və sual verdim: "İlham Heydəroviç, razılaşsanız, Ermənistana kömək etmək lazımdır". Söhbət isə Azərbaycanın ermənilər tərəfindən işğal edilmiş beş rayonundan gedirdi. Ermənilər etiraf ediblər ki, "bu, bizim torpaqlarımız deyil, Azərbaycan torpaqlarıdır". Onda qaytar! O vaxt bunu etsəydilər, müharibə olmazdı. Qarabağın statusu qalardı və sakit rejimdə həll olunardı. Amma onda nə Serj Sarkisyan, nə də sonradan Nikol Paşinyan razılaşmadı. Bu məsələni iki dəfə qaldırmışdım", deyə Lukaşenko bildirib.

"Mən onda İlhama sual verdim: "Gəlin razılaşın, Ermənistana da nə cürsə kömək etmək lazımdır ki, xalq görsün ki, siz barışmısınız. Ermənistana nə qədər investisiya edə bilərsən?". Dedi, minimum beş milyard. Yox. Azərbaycan prezidentini küncə sıxışdırdılar. Onun güc tətbiq etməkdən başqa yolu qalmırdı".

O, Avropa İttifaqını və ATƏT-i vəziyyətə müdaxilə etməməyə çağırıb. "Rusiya artıq Ermənistan və Azərbaycan arasında vəziyyətin nizamlanmasında vasitəçidir və bu, tamamilə kifayət edir", deyə o bildirib.

"Avropa İttifaqını niyə oraya cəlb etdilər, ATƏT-i niyə cəlb edirlər? Orada artıq vasitəçi varsa, onlar orada nə edəcəklər? Bir də KTMT oraya cəlb edilməlidir. Sanki, başqa məşğul olacaq heç nə yoxdur", deyə Lukaşenko gileylənib. 02D