Mariya Zaxarova Naxçıvanla Azərbaycanın qalan hissəsi arasında nəqliyyat əlaqəsinin açılması barədə

Bakı/10.12.20/Turan: Nəqliyyat kommunikasiyalarının açılması baxımından ən perspektivli istiqamət Azərbaycan və Naxçıvan arasında dəmir yolu əlaqəsinin bərpasıdır. Bu barədə dekabrın 10-da keçirilən brifinqdə Rusiya XİN nümayəndəsi Mariya Zaxarova bildirib.

O əlavə edib ki, rusiyalı mütəxəssislərin köməyilə sərhədyanı sahələrin ilkin müayinəsi aparılıb. Üç ölkə liderlərinin 9 noyabr tarixli bəyanatına əsasən regionda bütün iqtisadi nəqliyyat əlaqələri açılır, Ermənistan hər iki istiqamətdə vətəndaşların, nəqliyyat vasitələri və yüklərin maneəsiz hərəkətini təşkil etmək məqsədilə Azərbaycanın qərb rayonları ilə Naxçıvan Muxtar Respublikası arasında nəqliyyat əlaqəsinin təhlükəsizliyinə zəmanət verir.

"Nəqliyyat əlaqəsinə nəzarəti Rusiya FTX Sərhəd Xidməti orqanları həyata keçirir. Şərtləşdirilib ki, tərəflərin razılığı ilə yeni nəqliyyat kommunikasiyalarının tikintisi təmin ediləcək ki, bu da Naxçıvan Muxtar Respublikasını və Azərbaycanın əsas ərazisini birləşdirəcək.

İqtisadi əlaqələrin açılması və yeni kommunikasiyaların tikintisi uzun prosesdir. Əsas məsələlər Ermənistan və Azərbaycan hakimiyyətləri tərəfindən həll ediləcək və məlum olduğu kimi, postmünaqişə fazasının gedişində qarşıya çıxan problemlərə xüsusi reaksiya mexanizmi formalaşdırılıb", - M. Zaxarova bildirib. --0-