Рафиг Байрамов
Bakı/17.08.21/Turan: Çərşənbə axşamı Bakı Ağır Cinayətlər Məhkəməsində mədəniyyət nazirinin keçmiş müavini Rafiq Bayramova hökm oxunub. Məhkəmə ona 8 il azadlıqdan məhrum etmə cəzası verib.
Məhkəmə həmçinin onun üzərinə həbs qoyulan əmlakının dövlətin xeyrinə müsadirə edilməsi barədə qərar çıxarıb.
Bayramov son sözündə özünü təqsirkar bilməyib. Həmçinin o vəzifə səlahiyyətlərindən sui-istifadə ilə bağlı ittihamları da rədd edib. Bayramovun sözlərinə görə, onun sənədlərə imza atmaq səlahiyyəti olmayıb və o maddi məsul şəxs olmayıb. O həmçinin rüşvət ittihamını da qəbul etməyib.
Xatırladaq ki, Rafiq Bayramov və Mədəni İrsin Qorunması, İnkişafı və Bərpası üzrə Dövlət Xidmətinin rəisi Zakir Sultanov 2020-ci ilin may ayında Dövlət Təhlükəsizliyi xidmətinin əməliyyatı nəticəsində saxlanılıblar.
Hər iki şəxsə qarşı vəzifə səlahiyyətlərindən sui-istifadə, mənimsəmə, vəzifə saxtakarlığı ittihamları irəli sürülüb.
Sonradan Sultanova qarşı cinayət işi ayrı icraata ayrılıb. -06D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz