![Açiq mənbələrdən foto.](https://turan.az/resized/750/500/resize/media/2021/main/031300029795.jpg)
Açiq mənbələrdən foto.
Media və qeyri-hökumət təşkilatlarının nümayəndələrindən ibarət böyük qrup Ağdama gedir
Bakı/13.03.21/Turan: Bu gün yerli media və qeyri-hökumət təşkilatlarının rəhbərlərindən, bloger və ictimai fəallardan ibarət böyük bir qrup erməni işğalından azad olunmuş Ağdam rayonuna səfər edib. Nümayəndə heyətini səfərin təşkilatçısı, Azərbaycan prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev müşaiyət edir.
Səfərdə iştirak edən jurnalist Kamran Mahmudovun Turan-a verdiyi məlumata görə, Ağdama 6 avtobusda 130-a yaxın təmsilçi gedir.
Səfər proqramına işğal dövründə dağıdılmış Ağdam şəhərinin, onun tarixi və mədəniyyət abidələrinin hazırkı vəziyyəti ilə tanışlıq daxildir.
İştirakçıları Baş Qərvənd kəndində minatəmizləmə işləri, erməni istehkamları ilə tanışlıq da gözləyir.
Nümayəndə heyətinin tərkibinə media ictimaiyyətinin bir sıra nümayəndələri, o cümlədən Qulu Məhərrəmli, Arif Əliyev, Elçin Şıxlı, Xədicə İsmayılova, Əvəz Zeynallı və başqaları daxildir. -22в-
Siyasət
-
Rəqəmsal İnkişaf və Nəqliyyat Nazirliyi, İnnovasiya və Rəqəmsal İnkişaf Agentliyi və İsrailin Texnion Texnologiya İnstitutunun əməkdaşlığı nəticəsində yaradılan Azərbaycan Kibertəhlükəsizlik Mərkəzi iyulun 30-da üçüncü "Məzun günü" tədbirini keçirib.
-
Azərbaycan hərbi prokurorunun böyük köməkçisi Firad Əliyev Turan-a bildirib ki, Laçınova qarşı Azərbaycan Cinayət Məcəlləsinin 179.4-cü və 32.5, 341.2.3-cü maddələrilə ittiham elan edilib. Azərbaycan Hərbi Prokurorluğunun təqdimatına əsasən, Bakı Hərbi Məhkəməsinin qərarı ilə onun barəsində həbs qətimkan tədbiri seçilib.
-
Bakı Ağır Cinayətlər Məhkəməsində Elşən Nəcəfovun işi üzrə proses keçirilir. 2023-cü ilin sentyabrında Dövlət Təhlükəsizliyi Xidməti tərəfindən saxlanılan Nəcəfov terror aktının hazırlanmasında ittiham olunur.
-
Bazar ertəsi Bayden administrasiyası Ukraynaya 1,7 milyard dollar dəyərində yeni hərbi yardım təqdim etdiyini açıqlayıb. Hərbi yardım paketinə raketlər, döyüş sursatları, tank əleyhinə silahlar və digərləri daxildir, Turan-ın Vaşinqton müxbiri bildirib.
Rəy yaz