Mərkəzi Seçki Komissiyası parlament seçkilərini müşahidə etməyə kimləri dəvət edəcək?
Mərkəzi Seçki Komissiyası parlament seçkilərini müşahidə etməyə kimləri dəvət edəcək?
Sentyabrın 1-də keçiriləcək növbədənkənar parlament seçkilərinin monitorinqinin aparılması üçün 30-a yaxın beynəlxalq təşkilata dəvət göndəriləcək. Bu barədə Mərkəzi Seçki Komissiyasının sədri Məzahir Pənahov qurumun bugünkü iclasında bildirib.
Lakin o, konkret olaraq hansı təşkilatlara dəvət göndəriləcəyini açıqlamayıb.
7 fevral 2024-cü il tarixində növbədənkənar prezident seçkilərində Avropa Şurası Parlament Assambleyasının nümayəndə heyətinin dəvət edilməməsi Azərbaycan Milli Məclisinin nümayəndə heyətinin bu təşkilatda səlahiyyətlərinin dayandırılmasına səbəb olub.
İclas zamanı Pənahov xəbərdarlıq edib ki, "seçkilər zamanı müşahidəçilərə maneələr olmamalıdır".
Bugünkü iclasda Respublikaçı Alternativ, Ağ və Vətəndaş Həmrəyliyi partiyalarının növbədənkənar parlament seçkilərində səlahiyyətli nümayəndələri qeydə alınıb.
Eyni zamanda Pənahov seçici siyahılarının dəqiqləşməsi ilə bağlı tapşırıq verib. Proses səsverməyə 25 gün qalmış bitməlidir.
"Kiminsə adı obyektiv və ya subyektiv səbəbdən siyahıya düşməyibsə, bütün məntəqələrə müvafiq tapşırıq verilməli, əlavə siyahıya daxil edilməlidirlər”, - o deyib.
Pənahovun sözlərinə görə, kiminsə müraciət etməsi, amma səsverməyə imkan yaradılmaması faktı hələ olmayıb.
Pənahov Naxçıvan Muxtar Respublikasındakı seçki məntəqələrində avadanlıqlarla bağlı qıtlığın olduğunu bildirib. “Oradakı seçki məntəqələri lazımi avadanlıqlarla təmin ediləcək", - Məzahir Pənahov deyib.
Siyasət
-
“Şərq-Qərb” və “Şimal-Cənub” nəqliyyat dəhlizləri üzrə qarşılıqlı fəaliyyət Azərbaycan ilə Şanxay Əməkdaşlıq Təşkilatına üzv dövlətlər arasında əməkdaşlığın vacib sahəsini təşkil edir. Bu barədə Azərbaycan prezidenti İlham Əliyev bu gün Astanada “ŞƏT plyus” formatında görüş zamanı bildirib.
-
2023-cü il oktyabrın 12-də İranda həbsdən qaçıb ağ bayraq qaldıraraq Azərbaycan Respublikasının dövlət sərhədini keçib təslim olan İran vətəndaşı, azərbaycanlı fəal Puya Purhemməti Azərbaycan dövlət hakimiyyəti orqanlarında məruz qaldığı qanunazidd hallarla bağlı iyulun 3-də Azərbaycan Baş Prokurorluğunda sorğu-sual edilib.
-
İyulun 3-də Bakı Apellyasiya Məhkəməsi “Kanal-13” İnternet- televiziyanın əməkdaşı Şamo Eminovun həbs müddətinin uzadılması barədə şikayəti təmin etməyib. Bu barədə Turan-a onun vəkili Elçin Sadıqov bildirib. Onun sözlərinə görə, Eminov prosesdə iştirak edib və məhkəmənin qərarına etiraz edib.
-
Müsavat Partiyası sentyabrın 1-də Milli Məclisə keçiriləcək növbədənkənar seçkilərdə iştirak edəcək. Bu qərar Partiya Məclisinin bugünkü ilcasında qərara alınıb. Partiyanın seçki qərargahı yaradılıb, qəragaha Məclis sədri Arif Hacılı rəhbərlik edəcək.
Rəy yaz