Bakı/24.04.20/Turan: Aİ “Şərq Tərəfdaşlığı” proqramının Vətəndaş Cəmiyyəti Forumu Azərbaycan Milli Platformasının nümayəndələrindən ibarət qrup Azərbaycanda karantin rejimi şəraitində siyasi və vətəndaş fəallarının həbsini pisləyib.
Bəyanatda qeyd olunur ki, hakimiyyət koronavirus pandemiyasına qarşı mübarizədən tənqidi səsləri yatırmaq üçün istifadə edir. Sənəddə müxalifətçi siyasətçi Tofiq Yaqublu, hüquq müdafiəçisi və jurnalist Elçin Məmməd, AXCP fəalı Əlizamin Salayevin və “Azadlıq” qəzetinin əməkdaşı Təzəxan Mirələmlinin həbsi belə dəyərləndirilir.
AXCP, Demokratiya və Rifah Hərəkatının bir çox üzvü karantin rejimini pozmağa və polisə tabe olmamağa görə həbs edilib.
Bəyanat müəllifləri qeyd edirlər ki, Azərbaycan hakimiyyətinin sui-istifadəsi Avropa Şurası üzvünün öhdəliklərinə ziddir və gələcəkdə Avropa İttifaqı ilə strateji tərəfdaşlıq haqqında sazişin bağlanmasına və Azərbaycan xalqının maraqlarına mane olur.
Milli Platforma Azərbaycan hökumətini son həftələrdə həbs olunanların hamısını azad etməyə, Avropa Parlamentinin və AŞPA-nın qətnamələrini yerinə yetirməyə və bütün siyasi məhbusları həbsxanalardan azad etməyə, jurnalistlər, blogerlər, hüquq müdafiəçiləri, vətəndaş cəmiyyəti fəalları və müxalifyönlü səslərə qarşı siyasi motivli təqiblərə son qoymağa, ölkədə inam atmosferini təmin etməyə, 2014-cü ildə ölkədə vətəndaş cəmiyyəti institutlarının fəaliyyətinə yaradılmış hüquqi və praktiki maneələri aradan qaldırmağa çağırır.
Həmçinin BMT İnsan Hüquqları Komitəsinin, hüquq müdafiəçilərinin vəziyyəti ilə bağlı xüsusi məruzəçinin, Avropa Şurasının və digər beynəlxalq orqanların ifadə azadlığı ilə bağlı tövsiyələrinin yerinə yetirilməsinə çağırılır.
Eyni zamanda müraciət müəllifləri Avropa İttifaqını vətəndaş cəmiyyətinin iştirakı ilə Azərbaycan hakimiyyətilə insan hüquqları üzrə dialoqu fəallaşdırmağa çağırırlar. Bundan əlavə, Avropa İttifaqı ilə Azərbaycan arasında strateji tərəfdaşlıq haqqında sazişin bağlanması üzrə danışıqlarda vətəndaş cəmiyyətinin iştirakını təmin etmək təklif olunur.
Bəyanatı vətəndaş cəmiyyətinin 28 nümayəndəsi imzalayıb.—06D-
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz