Andrey Rudenko
Moskva "3+3" formatını işə salmağa ümid edir
Bakı/26.11.21/Тuran: Rusiya Zaqafqaziya ilə bağlı "3+3" (Azərbaycan, Ermənistan, Gürcüstan - Rusiya, Türkiyə, İran) formatında görüş keçirilməsinin "yaxın gələcəyin" məsələsi olduğuna ümid edir. Bu barədə TASS-a cümə günü RF XİN başçısının müavini Andrey Rudenko bildirib.
"Hələlik bu məsələlər üzərində iş gedir, bütün iştirakçıların razılığı alınmalıdır. Razılıq əldə edildikdə görüşün harada keçiriləcəyini elan edəcəyik. Ümid edirik ki, bu, yaxın gələcəyin məsələsidir", deyə o, müvafiq suala cavabında bildirib.
Tbilisi üç Zaqafqaziya respublikasının və Rusiya, İran və Türkiyənin iştirakı ilə "3+3" formatında müzakirələrdə iştirak etməyə hazır olduğunu bildirənə qədər bu formatda Gürcüstanın yeri qalacaq, deyə Rudenko qeyd edib. "Biz gürcülərin bu prosesdə iştirakı üçün tamamilə açığıq. Buna görə, belə bir görüş keçirilsə, görüşü bu altı dövlətdən birinin paytaxtında keçirmək planı var", deyə o bildirib.
"Əlbəttə, son hadisələr regiondakı mənzərəni dəyişdirib və biz nə cürsə yeni reallığa uyğunlaşmalıyıq. Bu, obyektiv reallıqdır, onu olduğu kimi qəbul etmək lazımdır", deyə Rudenko qeyd edib. Moskva bu təşəbbüsü dəstəkləyib, belə ki, region ölkələri regional problemləri özləri həll etməlidirlər, deyə diplomat bildirib.
Bundan əvvəl Azərbaycan lideri də Qarabağ üzrə əməkdaşlığın altıtərəfli formatı təşəbbüsü ilə çıxış etmişdi. İran bu ideyanı alqışlayıb, Ermənistan baş naziri Nikol Paşinyan format ATƏT-in Minsk Qrupunu əvəz etmirsə, onun Yerevan üçün maraqlı olduğunu bildirib.
Rəsmi Tbilisi dəfələrlə "3+3" formatında iştirak etməyəcəyini bəyan edib, belə ki, Rusiya Gürcüstanın ərazisini işğal edib. -02D-
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz