![Moskvadakı mənbələr Əliyev-Putin-Paşinyan görüşü keçiriləcəyini təsdiq edirlər /YENİLƏNİB/](https://turan.az/resized/750/500/resize/media/2021/main/102200039953.jpg)
Moskvadakı mənbələr Əliyev-Putin-Paşinyan görüşü keçiriləcəyini təsdiq edirlər /YENİLƏNİB/
Bakı/23.10.21/Turan: Rusiya, Ermənistan və Azərbaycan liderləri Vladimir Putin, Nikol Paşinyan və İlham Əliyevin üçtərəfli görüşü noyabrın ilk ongünlüyündə Moskvada keçirilə bilər. Danışıqların yekunlarına görə üçtərəfli bəyanat imzalanacağı gözlənilir, xəbəri RİA Novosti məlumatlı mənbələrə istinadla məlumat yayıb.
"Bəli, belə bir görüşün keçiriləcəyi gözlənilir. Təxminən 8-9 noyabr tarixlərində, Moskvada", deyə agentliyin mənbəyi bildirib.
Onun sözlərinə görə, görüşdə üçtərəfli bəyanatların imzalanacağı gözlənilir.
"Sənəd Ermənistan və Azərbaycan arasında dövlət sərhədinin delimitasiyası və demarkasiyası prosesinə aid olacaq. Bu, mürəkkəb prosesdir və tərəflər Rusiyanın vasitəçiliyi ilə bu problemin həllinin axtarışı üçün "yol xəritəsini" müəyyən edəcəklər. Həmçinin, regionda nəqliyyat kommunikasiyalarının açılması haqqında bəyanat qəbul ediləcəyi gözlənilir. Bu bənd hələ ötən ilin noyabrında üç ölkə liderinin qəbul etdiyi bəyanatda qeyd edilmişdi", deyə RİA Novosti-nin mənbəyi qeyd edib. -02D-
* * *
Ermənistan və Azərbaycan noyabrın 9-da Moskvada iki sənəd imzalayacaq - KİV
Bakı/23.10.21/Turan: Noyabrın 9 -da Ermənistan və Azərbaycan liderləri Moskvada iki sənəd imzalayacaqlar, bu barədə 22 oktyabr axşamı, "etibarlı diplomatik mənbələrə" istinadən , erməni saytı Aliq Media məlumat yayıb.
Sənədlər Vladimir Putinin vasitəçiliyi ilə Nikol Paşinyan və İlham Əliyev tərəfindən imzalanacaq. Birinci sənəd Ermənistanla Azərbaycan arasında dövlət sərhədinin delimitasiyası və demarkasiyasına aiddir. Beləliklə, İrəvan və Bakı SSRİ Müdafiə Nazirliyi Baş Qərargahının xəritələrinə əsaslanaraq bir -birlərinin sərhədlərini və ərazi bütövlüyünü tanıyacaq.
İkinci sənəd Azərbaycanla Naxçıvan arasındakı yol dəhlizləri də daxil olmaqla, bölgədəki kommunikasiyaların açılmasına aiddir. -02D-
-
- Cəmiyyət
- 23 Oktyabr 2021 13:28
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz