Bakı/16.12.19/Turan: Dekabrın 16-da Müsavat Partiyası fevralın 9-da növbədənkənar parlament seçkilərində iştirak edəcək namizədlərin siyahısını açıqlayıb.
Müsavat Partiyasının sədri Arif Hacılı bildirib ki, partiya 78 birmandatlı seçki dairəsində 81 namizəd irəli sürəcək.
“Biz bu gündən seçki kampaniyasına başlayırıq. Bu siyahı genişlənəcək”, - A.Hacılı vurğulayıb.
Namizədlər arasında A.Hacılı ilə yanaşı Müsavat Partiyasının keçmiş lideri İsa Qəmbər, indiki sədrin müavinləri Səxavət Soltanlı, Fərəc Kərimli, mətbuat xidmətinin rəhbəri Mustafa Hacıbəyli, Gənclər Təşkilatının rəhbəri Elman Quliyev, partiya Məclisinin rəhbəri Nüşabə Sadıqlı və başqaları var.
A.Hacılı qeyd edib ki, partiya öz namizədlərinin olmadığı dairələrdə digər partiyaların nümayəndələrini dəstəkləyəcək.
Partiya bəzi dairələrdə iki namizəd irəli sürüb: “Bəzi dairələrdə iki namizəd irəli sürülür. Hələ bilmirik ki, bütün namizədlər qeydiyyata alınacaq ya yox. Əgər qeydiyyatdan sonra dairələrdə iki namizəd qalarsa, partiya bu və ya digər namizədin dəstəklənməsi məsələsini müəyyən edəcək”, - A.Hacılı bildirib. 06D--
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz