Müsavataçı 200 manat cərimə edildi (YENİLƏNİB)

“Müsavat” Partiyasının Zərdab Rayon təşkilatının sədri Ceyhun Məmmədli Zərdab Rayon Məhkəməsinin qərarı ilə inzibati qayda da 200 manat cərimə edilib. Bu barədə Müsavat Partiyasından bildiriblər.

Partiyadan verilən məlumata görə, C.Məmmədli İnzibati Xətalar Məcəlləsinin 535-1-ci maddəsini (polisə müqavimət göstərmək) pozmaqda  təqsirli bilinərək barəsəində bu qərar çıxarılıb.

Partiyadan C.Məmmədli barədə çıxarlan qərarın əsassız olduğu deyilib və bildrilib ki, təşkilat sədri fb-dakı statuslarıan görə saxlanılıb.

“Adamı iyunun 27-də evindən polisə aparırlar və adını da polisə müqavimət qoyurlar. Sonra buraxırlar ki, get evinə iyunun 29-u gələrsən. Gəlir, əhkəməyə aparılır, cərimə edilir”.     

Partiyadan deyilib ki, qərardan apelyasiya şikayəti verilməsi nəzərəd tutulur. 

*   *   *

2020 İyun 29 (Bazar ertəsi) 18:14:53

Müsavat Partiyasının fəalı saxlanıldı

Bakı/28.06.20/Turan:  İyunun 27-də Müsavat Partiyası Zərdab rayon təşkilatının sədri Ceyhun Məmmədli polisə aparılıb. Orada onun barəsində İnzibatı Xətalar Məcəlləsinin 535.1-ci maddə ilə protokol tərtib olunub. 

Bu barədəTurana  partiyadan məlumat verilib. 

Məlumata görə, səhər saatlarında sahə müvəkkili və iki mülki şəxs Məmmədlinin evinə gələrək onu özləri ilə aparıblar. "Aparılanda səbəblər barədə heç bir məlumat verilməyib. Yalnız bildirilib ki, Məmmədlini Zərdab Rayon Polis Şöbəsinə aparırlar".  

Partiyadan əlavə ediblər ki, bir neçə saatdan sonra Məmmədli polis şöbəsindən buraxılsa da, sabah, iyunun 28-də məhkəmənin qarşısına çıxarılacaq. "Evindən apardıqları adamı polisə tabe olmamaqda ittiham ediblər. 

Əsl səbəb isə sosial şəbəkədəki  tənqidi yazılarıdır".

Məsələ ilə bağlı Daxili İşlər Nazirliyindən münasibət öyrənmək mümkün olmayıb. -0-