Bakı/17.01.20/Turan: Türkiyə və Azərbaycan Silahlı Qüvvələri fevralın 1-dən 12-dək şərqi Qars vilayətində birgə hərbi təlimlər keçirəcəklər. Bu barədə Türkiyə rəsmi mənbələri məlumat yayıblar..
Azərbaycan hərbçiləri Qarsa "Sədərək" nəzarət-buraxılış məntəqəsilə gəliblər. Azərbaycan Müdafiə Nazirliyi Naxçıvan Əlahiddə Ümumqoşun Ordusunun bir qrup hərbi qulluqçusunun və texnikanın Türkiyəyə getdiyini bildirib.
"Qış təlimləri -2021"-ə tank birləşmələri, artilleriya hissələri, snayper dəstələri, xüsusi təyinatlı əməkdaşlar və aviasiya cəlb ediləcək.
Təlimlərdə məqsəd birgə əməliyyatların həyata keçirilməsi zamanı hərəkətlərin koordinasiyasını təmin etmək, eləcə də yeni silah və nəqliyyat vasitələrini sınaqdan keçirməkdir. Təlimlərdə digər vəzifələr arasında qoşunların döyüş qabiliyyətinin yoxlanılması, o cümlədən gülcü qar və şaxtada atışma, qış şəraitində hazırlıq səviyyəsinin artırılması, çöl şəraitində hazırlıq, yerləşmə, təchizat və texniki xidmət, habelə komandanlıq sistemlərinin işinin təmin edilməsi var.
Təlimlərdə həm də hücumlar, desant-həmlə və hava əməliyyatları, avianəqliyyat və maddi-texniki dəstək üzrə tədbirlər həyata keçiriləcək, - “Haberturk” bildirir.
Türkiyənin şərqində təlimlər son vaxtlar ən böyük təlimlərdən biri olacaq, - “Anadolu” agentliyi xəbər verir.
Sonuncu dəfə Qarsda iki ölkə Silahlı Qüvvələrinin birgə təlimləri 2018-ci il mayın 29-31-də keçirilib. O zaman Azərbaycan təlimlərə mexanikləşdirilmiş piyada rotasını təlimə göndərmişdi.
Türkiyə Müdafiə Nazirliyi türkiyəli hərbçilərin Azərbaycan ordusunun bölmələri üçün təşkil etdiyi zirehli texnika ilə gücləndirilmiş təntənəli görüş barədə məlumat verir. MN qeyd edir ki, Ermənistana qalib gələn ordu Türkiyəyə gəldi.
2020-ci ilin iyulunda Azərbaycan-Ermənistan sərhəddində Ermənistan tərəfindən təhrik edilmiş hərbi toqquşmalardan sonra Azərbaycanda döyüş aviasiyası, artilleriya və quru qoşunlarının tətbiqilə Azərbaycan-Türkiyə təlimləri başlamışdı.
Qarsda birgə təlimlər haqda Ermənistan KİV-i də məlumat verir.0—
Siyasət
-
Jurnalist Şəmşad Ağa gecə saatlarında polis tərəfindən saxlanılıb. Bu barədə jurnalistin qardaşı Şahid Ağayev Amerikanın Səsinə bildirib.
-
Rəqəmsal İnkişaf və Nəqliyyat Nazirliyi “Azərbaycan Hava Yolları” QSC-yə (AZAL) məxsus “Embraer 190” tipli sərnişin təyyarəsinin Aktau hava limanı yaxınlığında qəzaya uğraması ilə bağlı Beynəlxalq Mülki Aviasiya Təşkilatının (BMAT) 1944-cü il Beynəlxalq Mülki Aviasiya haqqında Çikaqo Konvensiyasının 13 saylı Əlavəsinin tələblərinə uyğun aparılan araşdırmanın ilkin hesabatı barədə məlumat yayıb.
-
Qazaxıstan Respublikasının Nəqliyyat Nazirliyi 25 dekabr 2024-cü il tarixində Aktau yaxınlığında baş vermiş Azərbaycan Hava Yollarına məxsus Embraer-190 təyyarəsinin qəzaya uğraması ilə bağlı ilkin araşdırma hesabatını dərc edib. Hesabat nazirliyin rəsmi saytında açıq şəkildə yayımlanıb.
-
Brüsselin boz, geniş səmaları altında bu ay Avropa Komissiyasında idarəetmə təşəbbüsünün bir işarəsi həyata keçirildi, Avropa İttifaqının diplomatik əlaqələrində yenilənmiş bir canlanma elan etdi. Yeni qurulan Genişlənmə və Şərq Qonşuluğu üzrə Baş Direktorat (DG ENEST) 1 Fevralda debüt etdi, İttifaqın şərq qonşuları və potensial yeni üzvlərlə qarşılıqlı əlaqələrini yenidən tənzimləmək üçün yeni bir kurs müəyyən etdi.
Rəy yaz