Açiq mənbələrdən foto.
Bakı/20.07.21/Turan: Naxçıvan Muxtar Respublikasının Sədərək rayonunda Azərbaycan Silahlı Qüvvələrinin mövqelərinin atəşə tutulması nəticəsində azərbaycanlı hərbçi yaralanıb.
"İyulun 19-da saat 23:40-da erməni bölmələri Vedi rayonunun Arazdəyən kəndi tərəfdən Azərbaycan Silahlı Qüvvələrinin Naxçıvan Muxtar Respublikasının Sədərək rayonunun Heydərabad qəsəbəsi yaxınlığındakı mövqelərini müxtəlif çaplı silahlardan atəşə tutublar", - çərşənbə axşamı Azərbaycan Müdafiə Nazirliyinin press-relizində bildirilir.
Atəş nəticəsində Azərbaycan Silahlı Qüvvələrinin baş leytenantı Ramal Bədəlli ayağından yaralanıb. Ona ilk tibbi yardım göstərilib və o, hospitala yerləşdirilib. Düşmən cavab atəşilə susdurulub.
"Hazırda bu istiqamətdə vəziyyət sabitdir, əməliyyat şəraitinə qoşunlarımızın bölmələri nəzarət edir", - məlumatda deyilir.
Öz növbəsində, Ermənistan KİV-ləri bildiriblər ki, atışma zamanı Ararat vilayəti Yerasx qəsəbə icmasının rəhbəri Radik Ogikyan yaralanıb. -06D-
Siyasət
-
Rusiyadan İrana qaz kəməri Azərbaycandan keçəcək, onun marşrutu razılaşdırılıb. TASS xəbər verir ki, bu barədə jurnalistlərə energetika naziri Sergey Tsivilev bildirib.
-
Toplum TV-nin işi üzrə polis nəzarətində olan jurnalist Fərid İsmayılov yanvarın 17-də saxlanılıb və Xətai Rayon Məhkəməsinə aparılıb. Bu barədə jurnalistin həmkarları məlumat veriblər.
-
İlham Əliyev İrakli Kobaxidzeni "Gürcü arzusu" partiyasının seçkilərdə qələbəsi münasibətilə təbrik edib və ona yeni uğurlar arzulayıb.
-
Yanvarın 17-də Bakının Xətai Rayon Məhkəməsi Meydan TV-nin jurnalistləri Aynur Elgünəş və Natiq Cavadlının ev dustaqlığına keçirilmələri haqqında vəsatətlərini təmin etməyib.
Rəy yaz