Nazim Bəydəmirli
Nazim Bəydəmirlinin həbs müddəti üç ay uzadılıb
Bakı/01.11.23/Turan: Keçmiş deputat və sahibkar Nazim Beydəmirlinin həbs müddəti daha üç ay uzadılıb. Bu barədə onun vəkili Aqil Layıc bildirib.
Müdafiə tərəfi məhkəmənin qərarını əsassız hesab edir və ondan şikayət etmək niyyətindədir.
*Nazim Bəydəmirli iyulun 4-də Azərbaycan Cinayət Məcəlləsinin 182.2.4-cü (əmlaka sahib olmaq məqsədilə hədə-qorxu ilə qəsb etmə) maddəsilə ittiham olunaraq Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi tərəfindən saxlanılıb. Ertəsi gün məhkəmə onu 4 ay müddətinə həbs edib.
Bəydəmirli ittihamı rədd edib, onu uydurma və hüquqi əsaslardan məhrum adlandırıb. Onun sözlərinə görə, həbsin əsl səbəbi Gədəbəy rayonunun Söyüdlü kənd sakinlərinin ətraf mühitin çirklənməsinə qarşı etirazını dəstəkləməsidir.
Sentyabrın 1-də Bəydəmirliyə qarşı Cinayət Məcəlləsinin 182.2.2-ci (təhdid yolu ilə tələb etmə, dəfələrlə törədildikdə) maddəsilə daha bir ittiham irəli sürülüb.
Vəkilin sözlərinə görə, bu ittiham ona əsaslaır ki, guya Bəydəmirli guya 1996-cı ildə Rusiyanın Lipetsk şəhərində kimdənsə pul alıb. Müdafiəçi həm mahiyyət etibarilə, həm də iddia müddətinin bitməsilə əlaqədar ittihamın əsassız olduğunu deyib.
Hüquq müdafiəçiləri Nazim Bəydəmirlini siyasi məhbus kimi tanıyıblar. 16B06
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz