Nikol Paşinyan Bakını razılaşmaları yerinə yetirməməkdə ittiham edir və Ermənistan - Azərbaycan xarici işlər nazirlərinin görüşünü bildirir
Bakı/11.05.22/Turan: Yaxın vaxtlarda Ermənistan və Azərbaycan xarici işlər nazirlərinin görüşü planlaşdırılır. Bunu mayın 11-də Hollandiyada səfərdə olan Ermənistanın baş naziri Nikol Paşinyan deyib.
“Regional kommunikasiyalar açmaq lazımdır ki, Azərbaycanla dəmir və avtomobil yollarımız fəaliyyətə başlasın.
Biz Türkiyə ilə dialoqa başladıq, ilkin şərt olmadan münasibətləri normallaşdırmağa başlamağa razılaşdıq”.
Paşinyan beynəlxalq ictimaiyyəti “öz vətənlərində yaşamaq hüququ uğrunda mübarizə aparan” Qarabağ ermənilərinə kömək etməyə çağırıb. Lakin Azərbaycan beynəlxalq təşkilatların regiona çıxışını əngəlləyi, o deyib.
“Azərbaycan münasibətlərinin normallaşdırılması ilə bağlı öz ideyalarını təqdim edib, burada beş əsas məqam var. Söhbət bir-birinin ərazi bütövlüyünün qarşılıqlı tanınmasından, sərhədlərin demarkasiyası və delimitasiyasından, bir-birinə qarşı ərazi iddialarının olmamasından gedir.
Bu təkliflərdə bizim üçün qəbuledilməz olan heç nə yoxdur, lakin bütün məsələləri əhatə etmir. Biz təhlükəsizlik məsələlərini, Dağlıq Qarabağ ermənilərinin hüquqlarını və Dağlıq Qarabağın yekun statusunu gündəmə gətirmişik.
Aprelin 6-da Avropa İttifaqı Şurasının prezidenti Şarl Mişelin iştirakı ilə keçirilən görüşdə Azərbaycan Prezidenti ilə bu məsələni müzakirə etdik. Dedim ki, bizə təklif olunan məqamlarda qəbuledilməz heç nə yoxdur. Əgər Azərbaycan tərəfi iki ideyanı birləşdirməyə və bu əsasda danışıqlara başlamağa razı olarsa, o zaman biz buna hazırıq.
Lakin Azərbaycan son vaxtlar bəyanatlar verir ki, danışıqlar masasında yalnız Azərbaycanın təklifləri var. Bu, Brüsseldəki razılaşmalara uyğun deyil. Bu gün mən öz mövqeyimi bir daha təsdiq etməliyəm ki, biz bu prinsiplər əsasında danışıqlara hazırıq”, - Nikol Paşinyan bildirib.
O, həmçinin Bakını erməni əsirlərdən sövdələşmə üçün istifadə etməkdə ittiham edib.
“Bu gün Azərbaycanda ən azı 38 məhbusumuz qalıb. Sonuncu dəfə Avropa İttifaqı Şurasının prezidentinin iştirakı ilə Azərbaycan prezidenti daha bir qrup məhbusu azad edəcəyinə söz vermişdi, lakin bu, hələ baş verməyib”, - deyə Paşinyan dünya ictimaiyyətini Azərbaycana təsir göstərməyə çağırıb. -02D-
-
- Cəmiyyət
- 11 May 2022 17:14
Siyasət
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
-
Amerikalı senator Marko Rubio Azərbaycanda müxalif siyasətçi və iqtisadçı Qubad İbadoğluna qarşı cinayət işinin tam xitam verilməsinə çağırıb. Bu barədə senator X sosial platformasında yazıb. Rubio bildirib ki, İbadoğlunun işi bir daha “dünyada azadlıq və firavanlıq üçün cəsarətlə mübarizə aparan insanların üzləşdiyi mənasız təqibləri” xatırladır.
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
Rəy yaz