Nikol Paşinyan əsirlərin �hamının hamıya� prinsipi üzrə dəyişdirilməsindən imtina edib

Bakı/20.11.18/Turan: Ermənistanın baş naziri səlahiyyətlərini icra edən Nikol Paşinyan Azərbaycan əsirliyində olan Tavuş rayonu Berdavan kənd sakini Karen Kazaryanın qohumları ilə görüşməyə hazırdır. Bu barədə N.Paşinyan noyabrın 20-də Yerevanda mətbuat konfransında Ermənistanla Gürcüstan arasındakı yolu bağlayan sakinlərin etirazlarını şərh edərkən deyib.

Nəyin bahasına olursa olsun, Kazaryanın azad edilməsinə nail olunması ilə bağlı Berdavan sakinlərinin tələblərinə toxunan N.Paşinyan deyib ki, qərar Ermənistanın maraqlarına uyğun olmalıdır, News.am saytı N.Paşinyandan sitat gətirib. O xatırladıb ki, Azərbaycanda daha bir nəfər Ermənistan vətəndaşı var - Zaven Karapetyan və Azərbaycan tərəfi "hamının hamıya" dəyişdirilməsini təklif edib.

"Biz buna getməliyikmi? Biz həlak olanların ailələrinə sorduq", - Paşinyan deyib. O qeyd edib ki, Dilqəm Əsgərov və Şahbaz Quliyev Qarabağda iki nəfərin qətlinə görə mühakimə olunublar. "Yəni, iki Ramil Səfərovu Azərbaycana qaytaraqmı?", - o deyib.

Qeyd edək ki, D.Əsgərov və Ş.Quliyev Şuşa həbsxanasında saxlanılır. Üçüncü azərbaycanlı Elnur Hüseynzadə də oradadır. Azərbaycanda Karen Kazaryan və Zaven Karapetyandan başqa 15 il məhkum edilmiş Arsen Bağdasaryan da var. -02D-