Rəşid Beqlaryan
Bakı/07.08.23/Turan: Azərbaycan ombudsmanı yanında İşgəncələrin Qarşısının Alınması üzrə Milli Preventiv Qrupun üzvləri istintaq təcridxanalarından birində növbəti monitorinq keçiriblər.
Digər məhbuslarla yanaşı, avqustun 1-də Laçın rayonunun Zabux kəndindən keçən hissədə Azərbaycanın dövlət sərhədini pozmağa cəhd edərkən saxlanılan Rəşid Beqlaryanla da görüş olub.
Onunla konfidensial söhbət aparılıb, doğma dilində qanunvericilik aktları təqdim edilib.
Monitorinq zamanı müəyyən edilib ki, Beqlaryanın hüquqları təmin edilir, ona lazımi tibbi-psixoloji yardım göstərilir və özü də bunu təsdiqləyib, məlumatda deyilir.
Qrup üzvlərinin görüşdüyü bütün şəxslərə onların hüquqları ilə bağlı müraciətlərin verilməsi mexanizmləri izah edilib, milli qanunvericilik aktları və beynəlxalq sənədlər təqdim edilib, Ombudsman Aparatının 916 Çağrı Mərkəzinə müraciətlərin mümkünlüyü barədə informasiya nəşrləri verilib. 06B
Siyasət
-
Azərbaycan Prezidentinin köməkçisi Hikmət Hacıyev İrana səfəri çərçivəsində İran Prezidentinin müşaviri Mehdi Sənayi ilə görüşüb.
-
Yanvarın 31-də Bakı Ağır Cinayətlər Məhkəməsində müxalifətçi siyasətçi Tofiq Yaqublunun işi üzrə prosesdə sənədlərin araşdırılması davam edib.
-
Maştağa qəsəbəsində yaşayan dini fəal Elvin Zeynalov yanvarın 31-də günorta evinin yaxınlığındakı mağazanın qarşısında mülki şəxslər tərəfindən saxlanılıb.
-
Strasburqda Avropa Sarayında Avropa Şurası Parlament Assambleyasının qış sessiyasında "Azərbaycanda insan hüquqları sahəsində narahatlıq doğuran böhrana” həsr olunmuş "paralel tədbir" keçirilib.
Rəy yaz