Parlamentə qeyri-hökumət təşkilatları haqqında qanunvericiliyə düzəlişlər paketi təqdim edilib

Bakı/20.04.21/Turan: Vətəndaş Hüquqları İnstitutu (VHİ) Milli Məclisə qeyri-hökumət təşkilatları haqqında qanunvericiliyin yaxşılaşdırılması üzrə təkliflər paketi göndərib.

Xüsusən, “Qeyri-hökumət təşkilatları (ictimai birliklər və fondlar) haqqında”, “Qrantlar haqqında”; “Hüquqi şəxslərin dövlət reyestrində dövlət qeydiyyatı haqqında” qanunlara, İnzibati Xətalar Məcəlləsinə və digər qanunlara düzəlişlər təklif edilir.

Yeddi ildən çoxdur qeyri-hökumət təşkilatlarının fəaliyyətini məhdudlaşdıran əlavə və dəyişikliklər qüvvədədir, onların qeydiyyatı üçün bürokratik maneələr yaradılır.

Təkliflər paketində qeyri-hökumət təşkilatlarının qeydiyyatı, onların vətəndaşlardan ianə və donorlardan qrant alması prosedurlarının sadələşdirilməsi, cərimə ölçüsünün azaldılması, ictimai birliklərin fəaliyyətinin demokratik standartlar səviyyəsinə qədər yüksəldilməsi nəzərdə tutulur.

Vətəndaş Hüquqları İnstitutu 2012-ci ildə yaradılıb, faktiki fəaliyyətinə isə 2016-cı ildə başlayıb.

Təşkilatın rəhbəri məşhur ictimai fəal Bəşir Süleymanlıdır. -06D-