Nikol Pashinyan
Bakı/16.12.21/Turan: Brüsseldə Azərbaycan prezidenti ilə görüşdə Yerasx-Culfa-Ordubad-Mehri-Horadiz dəmir yolunun tikintisi haqqında razılığımızı bir daha təsdiq etdik. Bu barədə Ermənistan baş naziri Nikol Paşinyan dekabrın 16-da hökumətin iclasında bildirib.
"Bu razılaşma noyabrın 26-da Soçi görüşündə əldə edilib və indi Brüsseldə təsdiq edilib", deyə Paşinyan bildirib.
Onun sözlərinə görə, dəmir yolu beynəlxalq sərhəd və gömrük qaydalarına uyğun olaraq, qarşılıqlılıq prinsipi əsasında, ölkələrin suverenliyi və yurisdiksiyası altında fəaliyyət göstərəcək.
O, Türkiyə ilə dialoq başlasa, Ermənistanın dəmir yolu əlaqəsinin Qarsa qədər uzadıla biləcəyinə ümid etdiyini bildirib.
"Biz mümkün qədər tez dəmir yoluna malik olmaq istəyirik. Bu, mühüm razılaşmadır, onu həyata keçirəcəyimizə ümid edirəm, bu, regionda iqtisadi mühiti, investisiya mühitini, siyasi mühiti və təhlükəsizliyi əhəmiyyətli dərəcədə dəyişdirəcək", deyə o qeyd edib. -02D-
Siyasət
-
Azərbaycan, Ukrayna üzərindən Rusiya qazının tranzitinin dayandırılmasından sonra təbii qaz bazarında artan çətinliklər fonunda Avropa üçün əsas enerji tərəfdaşı kimi öz mövqeyini gücləndirir. On il davam edən tranzit marşrutunun sonunu göstərən bu kəsinti, qlobal mayeləşdirilmiş təbii qaz (LNG) bazarında rəqabəti artıracağı və alternativ enerji mənbələrinin qiymətlərini yüksəldəcəyi gözlənilir.
-
Həbsdə olan bloger Rəşad Ramazanov 15 saylı cəzaçəkmə müəssisəsində saxlanma şəraitinin ağır olmasından danışıb. Bu barədə Turan agentliyinə koloniyadan zəng edərək özü məlumat verib.
-
ABŞ Helsinki Komissiyasının həmsədri, konqresmen Co Uilson Tehran rejiminin nümayəndələrinin Azərbaycan və Türkiyəyə qarşı təhdidlərini pisləyib.
-
Beynəlxalq Avtomobil Federasiyasının (FIA) Formula 1 üzrə Azərbaycan Qran-prisi sentyabrın 19-21-də reallaşacaq. Bu, mövsümün 17-ci Qran-prisi olacaq.
Rəy yaz