![Polad Aslanov ombudsmanın nümayəndələrinə şikatət edib](https://turan.az/resized/news/2024/KjEC02DXEoIbhNzbkUVcFmxiV9o7ygVPz6qYU3vE-750-500-resize.webp)
Polad Aslanov ombudsmanın nümayəndələrinə şikatət edib
Polad Aslanov ombudsmanın nümayəndələrinə şikatət edib
Avqustun 9-da Azərbaycan Ombudsman Aparatının nümayəndələri 1 saylı cəzaçəkmə müəssisəsinə başçəkmə çərçivəsində digər məhbuslarla yanaşı, xeberman.com saytının həbsdə olan rəhbəri Polad Aslanovla da görüşüblər. Bu barədə Turan-a jurnalistin həyat yoldaşı Gülmira Aslanova bildirib.
Onun sözlərinə görə, Polad Aslanov ombudsman ofisinin əməkdaşlarına üç şikayətini bildirib.
Onlardan ikisi 2019-cu ildə Dövlət Təhlükəsizliyi Xidmətinin (DTX) əməkdaşları tərəfindən saxlanılması və İstintaq Təcridxanasına gətirildikdən sonra ona qarşı qeyri-insani rəftarla bağlı olub.
Hər iki halda prokurorluq jurnalistin şikayəti əsasında araşdırma başladıb, lakin sonradan icraata xitam verilib, işlərin bağlanması haqqında qərarlar isə nə vəkilə, nə P.Aslanova verilməyib.
Jurnalist ombudsman nümayəndələrindən yerli məhkəmələrə və daha sonra Avropa İnsan Hüquqları Məhkəməsinə şikayət vermək üçün prokurorluğun qərarlarını almağa kömək etməyi xahiş edib.
Polad Aslanovun üçüncü şikayəti ailəsinin maddi vəziyyəti ilə bağlı olub. "Polad ombudsman nümayəndələrinə bildirib ki, təqsirsiz olduğu halda, altı ildir həbsdə saxlanılır. Onun həbsinin qanunsuz olduğu Avropa İnsan Hüquqları Məhkəməsi tərəfindən də təsdiq edilib. Buna baxmayaraq, onu azadlığa buraxmırlar, dövlət isə ailəsinə sosial yardım göstərmir. Yoldaşım həbsdə olduğuna görə məni - onun həyat yoldaşını işə qəbul etməkdən imtina edirlər. Polad dövlətin öz vətəndaşlarına görə məsuliyyətini xatırladaraq, ailəsinin sosial yardımla təmin edilməsini tələb edib", deyə G.Aslanova qeyd edib.
Onun sözlərinə görə, jurnalist ombudsman Səbinə Əliyevanın adına yazılı ərizədə öz şikayətlərini qeyd edib və ona bu müraciətlərə baxılacağı vəd edilib.
* Aslanov 12 iyun 2019-cu il tarixində həbs olunub, CM-in 274-cü (dövlətə xəyanət) maddəsi ilə, xüsusən İranın xeyrinə casusluqda ittiham olunub və 16 il azadlıqdan məhrumetmə cəzasına məhkum edilib.
Aslanov bütün ittihamları təkzib edir, xüsusi xidmət əməkdaşları arasıında korrupsiya faktlarını ifşa etdiyinə görə təqib olunduğunu bildirir.
Hüquq müdafiəçiləri onu siyasi məhbus kimi tanıyıblar. Beynəlxalq təşkilatlar Aslanovun həbsini pisləyiblər və onu azad etməyə çağırıblar. Sonradan Ali Məhkəmə Aslanovun həbs müddətini 13 ilə qədər azaldıb.
Siyasət
-
Avqustun 11-də Naxçıvan Muxtar Respublikasının Şahbuz rayonunun Ermənistanla təmas xətti olmuş və minalardan təmizlənməmiş "Qanlıgöl" yaylağı adlanan ərazisində mina partlayışı hadisəsi baş verib. Hadisə nəticəsində 2005-ci il təvəllüdlü Şərur rayon sakini Bəxtiyar Sultanov müxtəlif dərəcəli xəsarətlər alıb. O, dərhal xəstəxanaya çatdırılaraq zəruri tibbi yardımlar göstərilib, hazırda vəziyyəti ağır olaraq qalır. Bu Barədə Azərbaycan Baş Prokurorluğu məlumat yayıb.
-
Azərbaycan XİN İranın zərbə endirməsi təhlükəsi ilə əlaqədar İsrail hərbiçilərinin Azərbaycandan çıxarılması haqqında İsrailin KAN TV telekanalının yaydığı məlumatlarla bağlı şərh verməyib.
-
Müsavat Partiyası, 1 sentyabr 2024-cü il tarixində keçiriləcək fövqəladə Milli Məclis seçkiləri ətrafında seçki mühitini tənqid edən aralıq hesabat yayımlayıb. Hesabatda partiyanın iddia etdiyi bir sıra sistemli məsələlər vurğulanıb ki, bu da demokratik prosesi və ədalətli rəqabəti sarsıdır.
-
Keçmiş deputat və iş adamı Nazim Bəydəmirlinin həbsdə olarkən səhhəti pisləşib, bu barədə onun həyat yoldaşı bildirib.
Rəy yaz