Bakı/28.05.18/Turan: Polisin yaratdığı bütün maneələrə və məhdudiyyətlərə baxmayaraq, bu gün minlərlə gənc Azərbaycan Xalq Cümhuriyyətinin 100 illiyinə həsr olunmuş nümayişdə iştirak edib.
Facebook-da bununla bağlı xüsusi olaraq yaradılmış "Cümhuriyyət" səhifəsi iştirakçıları mayın 28-də saat 12.00-da əllərində çiçəklə Bakının mərkəzində AXC abidəsinin önünə gəlməyə çağırıb.
Amma polis yüz metrələrlə uzaqdan (metronun "İçərişəhər" stansiyasının yaxınlığında) aksiya itirakçılarının yolunu bağlayıb və insanları abidənin yanına 2-2, 3-3 buraxıb.
Çiçək qoyduqdan sonra aksiya iştirakçıları toplaşaraq paytaxtın mərkəzində yürüş ediblər.
Yolda şəhər sakinləri də onlara qoşulub və nümayişçilərin sayı bir neçə minə çatıb.
Nümayişçilər "Azərbaycan", "Respublika", "Biz Rəsulzadənin nəvələriyik" şüarları səsləndiriblər.
Dənizkənarı bulvara yeraltı keçidin yanında polis nümayişçilərin yolunu kəsib, onlar Nizami adına Muzeyə tərəf qayıdıblar və aksiyanın başa çatdığını elan edərək, dağılmağa başlayıblar.
Amma gənclərdən ibarət qruplar dövlət bayraqları ilə şüarlar səsləndirərək küçələrdə gəzməyə davam edir. Hələlik asayişin pozulması və polislə qarşıdurma haqqında məlumat daxil olmayıb. -06D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz