president.az
Bakı/11.01.22/Turan: Avropa İttifaqının yeni mülki missiyasının Bakı ilə razılaşdırılmadan Ermənistana, Azərbaycanla sərhədə göndərilməsi öncədən əldə olunmuş razılaşmaların pozulmasıdır. Bu barədə yanvarın 10-da Azərbaycan prezidenti İlham Əliyev yerli telekanallara müsahibəsində bildirib.
O xatırladıb ki, Avropa İttifaqının mülki missiyasının Ermənistana göndərilməsi barədə qərar oktyabrın 6-da Praqada Azərbaycan, Ermənistan liderləri, Avropa İttifaqı Şurasının rəhbəri və Fransa prezidentinin görüşündə qəbul edilib.
O zaman razılaşdırıldı ki, 40 nəfərdən ibarət missiya qısamüddətli olacaq və 2 ay - dekabrın 19-dək davam edəcək. Lakin bir müddət sonra Avropa İttifaqının yüksək vəzifəli nümayəndəsi bildirdi ki, missiya uzadılacaq. Onun ardınca bunu Fransa Xarici İşlər Nazirliyinin rəhbəri də təkrarladı.
Sonradan əldə olunmuş razılaşmalar Avropa İttifaqında pozularaq sözügedən müddət bitdikdən sonra yeni missiyanın göndərilməsi qərara alınıb.
“Nədənsə razılaşma pozulub, bu, son dərəcə məyusedicidir... Əgər biz nəyisə, hətta şifahi şəkildə razılaşdırmışıqsa, buna əməl edilməlidir”, - Əliyev deyib.
O qeyd edib ki, dekabrın 20-də Ermənistana yeni missiya göndərilib və bu, Azərbaycanın “aldadılması” kimi qiymətləndirilir. “Bizdə olan məlumata görə, yenə də bizim razılığımız olmadan fevralda oraya böyük nümayəndə heyəti göndəriləcək”, - Əliyev deyib.
O, diqqəti ona yönəldib ki, ATƏT konsensus prinsipini pozaraq Ermənistana missiya göndərmək barədə qərar qəbul edib. “Bu saxtakarlıq üzə çıxanda biz öz etirazımızı bildirdik”, - Əliyev deyib.
Sonra Əliyev qeyd edib ki, hazırda Rusiya və ABŞ-ı Ermənistanla danışıqlar üçün meydança kimi görür. “Minsk qrupunun “ölümündən” sonra Avropa İttifaqı vasitəçilik rolunu oynamağa başladı və biz bunu dəstəklədik, lakin əgər onlar bizim arxamızdan belə oyunlar oynasalar, o zaman bu formatın da gələcəyi şübhə altında olacaq.
Fransa faktiki olaraq özü-özünü prosesdən təcrid edib, indi qalır Amerika və Rusiya. Biz danışıqlar üçün meydançaları belə görürük. Əlbəttə ki, Avropa da iştirak edə bilər, amma bizimlə özünü dürüst aparsa”, - Əliyev deyib. 06B
Siyasət
-
Jurnalist Şəmşad Ağa gecə saatlarında polis tərəfindən saxlanılıb. Bu barədə jurnalistin qardaşı Şahid Ağayev Amerikanın Səsinə bildirib.
-
Rəqəmsal İnkişaf və Nəqliyyat Nazirliyi “Azərbaycan Hava Yolları” QSC-yə (AZAL) məxsus “Embraer 190” tipli sərnişin təyyarəsinin Aktau hava limanı yaxınlığında qəzaya uğraması ilə bağlı Beynəlxalq Mülki Aviasiya Təşkilatının (BMAT) 1944-cü il Beynəlxalq Mülki Aviasiya haqqında Çikaqo Konvensiyasının 13 saylı Əlavəsinin tələblərinə uyğun aparılan araşdırmanın ilkin hesabatı barədə məlumat yayıb.
-
Qazaxıstan Respublikasının Nəqliyyat Nazirliyi 25 dekabr 2024-cü il tarixində Aktau yaxınlığında baş vermiş Azərbaycan Hava Yollarına məxsus Embraer-190 təyyarəsinin qəzaya uğraması ilə bağlı ilkin araşdırma hesabatını dərc edib. Hesabat nazirliyin rəsmi saytında açıq şəkildə yayımlanıb.
-
Brüsselin boz, geniş səmaları altında bu ay Avropa Komissiyasında idarəetmə təşəbbüsünün bir işarəsi həyata keçirildi, Avropa İttifaqının diplomatik əlaqələrində yenilənmiş bir canlanma elan etdi. Yeni qurulan Genişlənmə və Şərq Qonşuluğu üzrə Baş Direktorat (DG ENEST) 1 Fevralda debüt etdi, İttifaqın şərq qonşuları və potensial yeni üzvlərlə qarşılıqlı əlaqələrini yenidən tənzimləmək üçün yeni bir kurs müəyyən etdi.
Rəy yaz