Prezident İlham Əliyev.
Bakı/02.10.23/Turan: Azərbaycanın ərazi bütövlüyünün bərpası ilə Cənubi Qafqaz sülh dövrünə qədəm qoya bilər, prezident İlham Əliyev bildirib.
"Bizim ərazi bütövlüyümüzü bərpa etmə təcrübəmiz çox misilsiz və unikal bir hadisədir. Biz münaqişəyə son qoyduq. O münaqişənin həll edilməsi nəticəsində biz ləyaqətimizi qoruduq, beynəlxalq hüququ bərpa etdik”, - o, bu gün Bakıda 74-cü Beynəlxalq Astronavtika Konqresinin açılış mərasimində çıxışı zamanı bildirib.
“Bu gün Cənubi Qafqazda sülh dövrünə qədəm qoya bilərik. Bu, bizim fikrimizdir. Əməkdaşlıq, birgə mənfəət götürülməsi, qarşılıqlı fayda – bu gün biz bunların hamısını nümayiş etdiririk”, - dövlət başçısı vurğulayıb.
Əliyev Azərbaycanın Avropada enerji resurslarının təchizatçısı kimi roluna da toxunub.
"Biz bir sıra layihələrə təşəbbüs göstərdik və tərəfdaşlarımızla birlikdə onları uğurla icra etdik. Bununla da təkcə bizim regionun deyil, bütövlükdə daha geniş regionun enerji təhlükəsizliyini təmin etdik... Azərbaycan beynəlxalq bazarlara etibarlı enerji daşıyıcısıdır və Avropa İttifaqı tərəfindən ümumavropa təchizatçısı kimi qiymətləndirilir", - dövlət başçısı qeyd edib.
O həmçinin Azərbaycanın Avropa institutları ilə əməkdaşlığından məmnunluğunu ifadə edib.
"Biz Avropa institutları ilə əməkdaşlığı uğurla inkişaf etdiririk. Azərbaycan Avropa İttifaqının yeddi üzvü ilə strateji tərəfdaşlıq haqqında bəyannamələr imzalayıb. Bu, faktiki olaraq bizim tamamilə açıq olan və dediyim kimi, əməkdaşlığa və daha geniş regional iştiraka və inklüzivliyə yönəlmiş xarici siyasət gündəliyimizi nümayiş etdirir", - Əliyev qeyd edib.
Dövlət başçısı Azərbaycanın Qoşulmama Hərəkatında iştirakını da qeyd edib.
"Birləşmiş Millətlər Təşkilstından sonra ikinci böyük beynəlxalq qurum olan Qoşulmama Hərəkatına dördüncü ildir ki, rəhbərlik edirik. Bu təşkilata sədrliyimiz 120 ölkənin yekdil qərarı ilə uzadıldı. Bu, həqiqətən Azərbaycana geniş beynəlxalq dəstəyinin təzahürüdür", - İlham Əliyev qeyd edib. 06D
Siyasət
-
Azərbaycan Xalq Cəbhəsi Partiyasının fəalı Niyaməddin Əhmədov həbs cəzası çəkdiyi 7 saylı penitensiar müəssisədə aclıq elan edib. Bu barədə Azərbaycan Xalq Cəbhəsi Partiyasının məlumatında deyilir. Aclığa səbəb Əhmədovun karserə salınmasıdır.
-
Yanvarın 19-da Avropa İttifaqının Azərbaycandakı nümayəndə heyətinin rəhbəri Peter Mixalko və Avropa İttifaqı ölkələrinin səfirləri faciəvi hadisələrin 35-ci ildönümündə "Qara yanvar" qurbanlarının xatirəsini yad etmək üçün Şəhidlər Xiyabanını ziyarət ediblər.
-
ABŞ-ın seçilmiş prezidenti Donald Tramp öz komandasına yanvarın 20-də keçiriləcək inaqurasiyasından sonra Rusiya prezidenti Vladimir Putinlə telefon danışığı təşkil etməyi tapşırıb. Bu barədə CNN məsələ ilə tanış mənbələrə istinadən xəbər verib.
-
O dəhşətli gecədən 35 il keçdi, 19 yanvar - 20 Yanvar 1990-cı ildə sovet rəhbərliyinin əmrlərinə əməl edərək 35.000 nəfərlik ordu korpusu zorla Bakıya girdi. Bu təcavüzkar hərəkət mülki əhali arasında çoxsaylı itkilərə səbəb oldu və Azərbaycanın müstəqilliyi uğrunda mübarizədə faciəli bir fəsil oldu. Sovet ordusunun Bakıya işğalı artan milli azadlıq hərəkatını yatırmaq, xüsusən də 1990-cı ilin martına təyin olunmuş qarşıdan gələn parlament seçkilərini pozmaq məqsədi ilə təşkil edildi.
Rəy yaz