Prezident İlham Əliyev.
Bakı/04.10.21/Turan: Bu gün Azərbaycan prezidenti İlham əliyev Cəbrayıl rayonuna səfər edir. Bir il öncə bu gün Azərbaycan ordusu rayon mərkəzini – Cəbrayıl şəhərini erməni işğalından azad edib.
Əliyev bu rayon mərkəzində memorial kompleks, xəstəxana, məktəb və çoxmərtəbəli yaşayış binasının təməlini qoyub. O həmçinin Şərqi Zəngəzur iqtisadi rayonunda sənaye parkının -"Araz vadisi iqtisadi zonası"nın tikintisinə start verib.
Ötən gün dövlət başçısı Tərtər və Bərdə rayonlarına səfər edib. Səfər zamanı o, bir il öncə azad edilmiş Tərtər rayonu Suqovuşan və Talış qəsəbələrinə yeni yolu açıb.
Əliyev Suqovuşanda ümumi gücü 7,8 MVt olan "Suqovuşan-1" və "Suqovuşan-2" kiçik hidroelektrik stansiyalarının rekonstruksiyadan sonra açılışında iştirak edib.
"Bu məntəqələrin azad edilməsi bizə rayonda strateji yollara nəzarəti verdi, düşməndə isə canlı qüvvənin hərəkəti və manevrləri üçün böyük çətinliklər və məhdudiyyətlər yarandı", - Əliyev qeyd edib.
Azərbaycan prezidenti Ermənistanın məğlubiyyətinin səbəbkarının yalnız Nikol Paşinyanın olması barədə ölkənin eks-prezidenti Serj Sarkisyanın hücumlarına cavab verib.
Əliyev Ermənistanın keçmiş prezidentini "Serjik" adlandırıb və deyib ki, arxiv məlumatları onun məhz bu cür adlandığını göstərir və o, sonradan "Serj Sarqsyan" olub.
"Mən Suqovuşandayam, əgər Serjikin cəsarəti çatırsa, qoy, buraya gəlsin", - əliyev Ermənistanın keçmiş prezidentinin hücumuna cavabında deyib.
Talış kəndində Əliyev ermənilər tərəfindən dağıdılmış Alban-Udi və Rus Pravoslav kilsələrinə baş çəkib. "Bütün dini konfessiyaların abidələri bundan sonra da qorunacaq. Biz bu qədim alban kilsəsini də bərpa edəcəyik. 30 il ərzində ermənilər bu bölgəni ancaq dağıdıblar".
Həmçinin o, Rus Pravoslav Kilsəsinin dağıdıldığını qeyd edib. "Görün, nə vəziyyətdədir. Biz onu da bərpa və təmir edəcəyik. Ermənilərdən fərqli olaraq, biz bütün dini abidələrə hörmətlə yanaşırıq. İşğal dövründə ermənilər həmin kilsələrdə kazarmalar yerləşdiriblər", - əliyev deyib.—06D-
Siyasət
-
Azərbaycanın müdafiə nazirinin müavini və Quru Qoşunlarının komandanı, polkovnik-general Hikmət Mirzəyev Türkiyəyə rəsmi səfəri çərçivəsində Türkiyə Silahlı Qüvvələrinin Baş Qərargah rəisi, general Metin Gürak ilə görüşüb.
-
Bakı-Moskva münasibətlərində AZALın təyyarə qəzasından sonra başlayan soyuqluq, deyəsən, güclənir. Bakı getdikcə tez-tez Moskvaya təyyarənin qəzaya uğramasının və vətəndaşlarının həlak olmasının üstünü örtməyə imkan verməyəcəyini göstərir.
-
ABŞ Dövlət katibi Marko Rubio cümə günü əksər mövcud xarici yardım qrantlarının 90 gün müddətinə dayandırılmasını əmr edən göstəriş imzalayıb. Bu qərar Dövlət Departamenti rəsmilərini şoka salıb və Politico-nun məlumatına görə, Ukraynaya hərbi yardımın maliyyələşdirilməsini hədəfə alıb.
-
İranın Azərbaycandakı səfirliyinin müvəqqəti işlər vəkili Seyid Cəfər Ağayi Məryan Xarici İşlər Nazirliyinə (XİN) çağırılıb, bu barədə Azərbaycan XİN-in yanvarın 25-də yaydığı məlumatda bildirilir.
Rəy yaz