Prezident İlham Əliyev.
Bakı/09.10.20/Turan: Azərbaycan prezidenti İlham Əliyev dövlət televiziya kanalının efirində Hadrut qəsəbəsinin erməni işğalından azad edildiyini bildirib.
Dövlət başçısı xalqa müraciətində Çaylı, Yuxarı Güzlək, Gorazıllı, Qışlaq, Əfəndilər, Süleymanlı və Sur kəndlərinin də azad olunduğunu bildirib.
“Dünyada heç bir qüvvə bizi yolumuzdan döndərə bilməz. Biz Azərbaycanın ərazi bütövlüyünü bərpa edəcəyik”, - prezident vurğulayıb. Dövlət başçısı qeyd edib ki, əməliyyat planı tam şəkildə həyata keçirilir. Yerevan BMT TŞ-nin Qarabağa dair qətnamələrini yerinə yetirməlidir.
“Yerevana danışıqlara qayıtmaq və qoşunlarını Qarabağdan çıxarmaq üçün son şans verilir”, - o vurğulayıb və ümidvar olduğunu bildirib ki, XİN rəhbərlərinin Moskva məsləhətləşmələri zamanı münaqişənin həlli üçün baza prinsipləri qəbul olunacaq.
Hələlik isə Azərbaycan həlak olanların cəsədlərinin mübadiləsi üçün atəşkəsə əməl edir.-02D-
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz