Prezident İlham Əliyev iqtisadiyyatı tənəzzülə uğraması barədə

Bakı/25.06.20/Turan: 2020-ci ilin beş ayının yekunları göstərir ki, Azərbaycan iqtisadiyyatı tənəzzülə uğrayır. Bu barədə prezident İlham Əliyev iyunun 24-də   Gəncədə 1 saylı Şəhər Xəstəxanasının modul tipli infeksion xəstəliklər korpusunun açılışı zamanı öz çıxışında bildirib.

İlin əvvəlində Azərbaycan “əla iqtisadi göstəricilər” nümayiş etdirib. Lakin pandemiya səbəbindən hökumət məhdudlaşdırıcı tədbirlərə əl atmalı olub. 

“Əlbəttə, iqtisadiyyat tənəzzülə uğrayır və hələ bəlli deyil ki, ilin sonuna qədər bizi hansı problemlər gözləyir. Hər kəs bunu bilməlidir”, - o qeyd edib. 

Prezident eyni zamanda, dünya bazarlarında neftin qiymətinin hələ də sabitləşmədiyini vurğulayıb. Nəzərə çatdırıb ki, 2020-ci ilin dövlət büdcəsində 

neftin qiyməti 55 dollarıdan hesablansa da neftin orta qiymətinin 41 dollar olduğunu və buna görə də gəlirlərin azaldığını söyləyib.

Dövlət başçısı turizm sahəsində də vəiyyətin yaxşı olmadığına diqqəti çəkib: “Biz son 4-5 il ərzində turizm sahəsini çox güclü və təkanverici sektor kimi formalaşdırmışdıq və ildən-ilə Azərbaycana gələn turistlərin sayı artırdı. Keçən il rekord həddə çatmışdı, ölkəmizə 3 milyon xarici vətəndaş gəlmişdi”, - o bildirib.

Müxtəlif hesablamalara əsasən turistlərin Azərbaycanda təqribən bir yarım – iki milyard dollar xərclədiyini deyən dövlət başçısı indi bu gəlirdən məhrum olunduğunu qeyd edib.

“Hazırda biz 600 mindən çox adamı lazımi vəsaitlə təmin edirik, işsizliyə görə 190 manatın ödənilmə müddəti uzadılıb, baxmayaraq ki, bu da böyük yükdür”, -o qeyd edib.

Onun sözlərinə görə, sosial sahədə tikinti layihələri də azalmayıb, xüsusilə 10 modul tipli xəstəxana və məcburi köçkünlər üçün şəhərciklər inşa edilir.

Pandemiyaya qarşı mübarizə üçün 3 milyard manatdan çox vəsait nəzərdə tutulub. Həmin vəsaitin bir hissəsi xərclənib, o cümlədən tibbi avadanlıqların alınmasına sərf edilib, dövlət başçısı bildirib.–06D-