Prezident İlham Əliyev.
Prezident İlham Əliyev siyasi dialoq və onun formatı barədə
Bakı/06.03.21/Turan: Azərbaycan prezidenti İlham Əliyev ölkədə siyasi dialoq barədə fikirlərini açıqlayıb. Bununla yanaşı, o, hakimiyyətin dialoq aparmayacağı qurumları açıqlayıb.
"Yeni mərhələdə biz siyasi dialoqu daha da dərinləşdirməliyik. Bu proses müharibədən əvvəl başlamışdı və hesab edirəm ki, qısa müddətdə yaxşı nəticələr əldə edilmişdi. Özünü siyasi qurum adlandıran antimilli Şura (Demokratik Qüvvələrin Milli Şurasını nəzərdə tutur) istisna olmaqla, demək olar ki, bütün partiyalar dialoqa tərəfdar idilər, təşəbbüsümüzü alqışladılar və bu dialoq artıq baş tutub, tam əminliklə deyə bilərəm ki, heç bir kənar müdaxilə olmadan", - İ.Əliyev dünən Yeni Azərbaycan Partiyasının qurultayında bildirib.
Onun fikrincə, "ümummilli məsələlərdə heç bir fərqli fikir ola bilməz". "Ümumi məsələlər Qarabağ məsələsidir. Ümumi məsələlər siyasi partiyaların fəaliyyətidir, demokratiyanın inkişafıdır, iqtisadi azadlıqların bərqərar olunmasıdır, ölkəmizin güclənməsidir. Bu gün bu siyasi dialoq aparılır. Mən onu çox təqdir edirəm. Hesab edirəm ki, ölkəmizin siyasi sisteminin gələcək təkmilləşdirilməsi üçün onun böyük əhəmiyyəti var", - İ.Əliyev deyib.
Dövlət başçısının sözlərinə görə, Yeni Azərbaycan Partiyasının ölkədə heç bir siyasi qurumla heç bir problemi yoxdur. "Antimilli ünsürlərlə isə biz, əlbəttə, heç vaxt bir masa arxasına keçə bilmərik, çünki onlar xaindirlər, xəyanətkardırlar. Onlar kənardan təlimatlar alırlar. Onların emissarları xarici paytaxtlardadır. Orada pul alırlar, buraya göndərirlər, insanları çaşdırmaq üçün bizim şanlı qələbəmizə kölgə salmağa çalışırlar", - İ.Əliyev deyib.–06D-
-
- Cəmiyyət
- 6 Mart 2021 12:55
Siyasət
-
Azərbaycan Beynəlxalq Bankının (ABB) keçmiş sədri Cahangir Hacıyev mayın 1-dən etibarən 13 saylı cəzaçəkmə müəssisəsində aclığı davam etdirir.
-
Bazar ertəsi Azərbaycan baş nazirinin müavini Şahin Mustafayevin aparatı bildirib ki, sərhəddə koordinatların dəqiqləşdirilməsi işləri çərçivəsində aparılan geodeziya ölçmələri əsasında mayın 6-dək 40 sərhəd dirəyi quraşdırılıb.
-
Ermənistan Alma-Atıdakı danışıqlarda Azərbaycanla regionda nəqliyyat infrastrukturunun və ticari marşrutların məhdudiyyətsiz açılması məsələsinin tənzimlənməsini müzakirə etmək niyyətindədir, bu barədə bazar ertəsi Ermənistan XİN başçısı Ararat Mirzoyan bildirib.
-
Mayın 6-da Bakı Ağır Cinayətlər Məhkəməsində fırıldaqçılıqda ittiham olunan ictimai fəal Rail Abbasovun işi üzrə proses davam edib.
Rəy yaz