Açiq mənbələrdən foto.
Bakı/12.06.23/Turan: Bu gün Azərbaycan prezidenti İlham Əliyev dünyanın aparıcı investisiya şirkətlərindən biri olan alternativ investisiyaların idarə edilməsi üzrə “Starwood Capital Group” şirkətinin təsisçisi və icraçı direktoru Berri Sternlixi qəbul edib.
Dövlət başçısının saytı bildirib ki, Azərbaycan Respublikası Dövlət Neft Fondunun “Starwood Capital Group” şirkətilə sıx əlaqələrini müsbət qiymətləndirib, mövcud tərəfdaşlığın daha da gücləndirilməsi üçün səylərin davam etdirilməsinin önəmini vurğulayıb.
Əliyev qeyri-sabit maliyyə bazarları dövründə də Azərbaycan Respublikası Dövlət Neft Fondunun aktivlərinin artmasının müsbət hal olduğunu deyib.
Görüş zamanı Azərbaycanda münbit investisiya şəraitinin mövcudluğu qeyd edilib, energetika sahəsi, xüsusilə alternativ enerji, logistika, turizm sahələrinə əlverişli investisiya qoyuluşu üçün yaxşı imkanların olduğu vurğulanıb.
Alternativ investisiyaların idarə edilməsi üzrə dünyanın aparıcı investisiya şirkətlərindən biri olan “Starwood Capital Group” 1991-ci ildə təsis edilib. Şirkətin daşınmaz əmlak, kredit və enerji infrastruktur strategiyaları üzrə idarə etdiyi vəsaitlərin ümumi dəyəri hazırda 120 milyard ABŞ dollarıdır. Şirkətin mənzil-qərargahı Amerika Birləşmiş Ştatlarında yerləşir və 35-dən artıq ölkədə investisiya həyata keçirib.
Turan-a əsasən 2022-ci ilin 9 ayın nəticələrinə görə ARDNF-nin investisiya portfelinin 80 faizdən çoxu istiqraz, pul alətləri və səhmlərdən, 12 faizi qızıldan, 6,4 faizi faizi isə daşınmaz əmlakdan ibarət olub. Fond öz investisiyalarını, əsasən, ABŞ-da (30,7 faiz), Qərbi Avropada (29,2 faiz) və Asiyada (20,2 faiz) yerləşdirib. Göründüyü kimi, Dövlət Neft Fondunun investisiya portfelində Qərbi Avropa və Şimali Amerikanın payı 60 faizə qədərdir.
Hazırda ARDNF-nin vəsaitlərinin bir hissəsini 7 xarici menecer idarə edir, onların siyahısıda Dünya Bankı, DWS Group GmbH & Co. KGaA (DWS), “UBS Global Asset Management”, “State Street Global Advisors” (SSgA), ”BlackRock, Inc.”, Mellon Capital Management və Sumitomo Mitsui Trust Holdings, Inc şirkətləri vardır.
Investisiya siyasətinə əsasən, investisiya portfelinin məcmu dəyərinin 10 faizə qədəri daşınmaz əmlaka yönləndirilə bilər. ARDNF 2012-ci ildən etibarən Avropanın London, Moskva, Paris, Milan (artıq satılıb) şəhərlərində, eləcə də Asiyada Seul (artıq satılıb) və Tokio şəhərlərində yerləşən ofis və ticarət komplekslərinə investisiyalar yatırılıb.
ARDNF-nin də vəsaitləri əsasən müxtəlif valyutalarda ifadə edilən birjada kotirovka olunan səhm və istiqrazlardan (investisiya portfelinin təxminən 80%-i) ibarət olduğundan maliyyə bazarlarında yaşanan bu dalğalanmalar ARDNF-nin də investisiya portfelində geriləmələrlə müşahidə olunub.--06В--
Siyasət
-
İqlim məsələləri üzrə Avropa Komissarı Vopke Hukstra Noyabrın 18-də COP29 çərçivəsində Bakıda mətbuat konfransı keçirib. Turan Agentliyi ona belə bir sual verib: Aİ yaşıl enerjinin Azərbacandan Avropaya nəqli layihələrinin həyata keçirilməsinə necə kömək edə bilər?
-
Noyabrın 18-də COP29-da "yaşıl zonada" təkadamlı etiraz aksiyası keçirilib. Aksiyanı COP29-da texniki işçi olan İsmayıl Cəfərsoy keçirib. O bildirib ki, 500-dən çox işçinin hüquqları pozulur, əmək haqları ödənilmir. Onun sözlərinə görə, noyabr ayı üçün qəbul edilmiş işçilərə gündə 20 manat ödəniş vəd edilmişdi.
-
1 saylı Bakı İstintaq Təcridxanasında saxlanılan Abzas Media-nın baş redaktoru Sevinc Vaqifqızı müəssisənin kameralarında pəncərələrin bağlanmasına etiraz edərkən əli zədələnib. Bu barədə Turan-a noyabrın 18-də ona baş çəkən vəkil Aqil Layıc bildirib.
-
Noyabrın 18-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda iqlim və feminist fəalları ekoloji çirklənməyə qarşı bir neçə etiraz aksiyası keçirib.
Rəy yaz