![Prezident İlham Əliyev.](https://turan.az/resized/media/2022/main/042200043859-750-500-resize.webp)
Prezident İlham Əliyev.
Prezident İlham Əliyev: “Sülh müqaviləsindən imtina Ermənistanın ərazi bütövlüyünü şübhə altına alacaq”
Bakı/22.04.22/Turan: Azərbaycan sülh müqaviləsinin imzalanması üçün Ermənistanla danışıqlara başlamağa hazırdır. Bu barədə prezident İlham Əliyev cümə günü Şuşada Dünya Azərbaycanlılarının V qurultayındakı çıxışı zamanı bildirib.
O qeyd edib ki, müqavilə ancaq Azərbaycanın təklif etdiyi beş prinsip əsasında bağlana bilər.
"Bu, yeganə qərardır və Ermənistan üçün son şansdır. Əgər onlar imtina etsələr, Azərbaycan Ermənistanın ərazi bütövlüyünü tanımadığını bəyan edəcək", - Əliyev qeyd edib.
Onun sözlərinə görə, Ermənistanda müəyyən qüvvələr hələ də Azərbaycana qarşı ərazi iddialarından əl çəkməyiblər.
O, danışıqlarda ATƏT-in Minsk Qrupuna arxalanan Ermənistan rəhbərliyinin mövqeyini tənqid edib.
"Minsk Qrupu faktiki olaraq hələ 2019-cu ildə iflic vəziyyətinə düşüb", - Əliyev deyib. Qarabağın Ermənistana məxsusluğu ilə bağlı Ermənistan rəhbərliyinin təxribat xarakterli bəyanatlarından sonra Minsk Qrupunun fəaliyyətsizliyi onun mövcudluğunu mənasız edib. -02D-
-
- İqtisadiyyat
- 22 Aprel 2022 13:47
-
- Cəmiyyət
- 22 Aprel 2022 13:54
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz