Prezident İlham Əliyev.
Prezident İlham Əliyev: “Şuşanın bərpası zamanı şəhərin tarixi görünüşü saxlanılacaq”
Bakı/27.01.21/Turan: Şuşa şəhərinin bərpası planlı, onun tarixi görünüşü saxlanılmaqla həyata keçiriləcək.
Şuşaya yeni təyin olunmuş xüsusi nümayəndə Aydın Kərimovla videokonfrans zamanı söhbətdə dövlət başçısı qeyd edib ki, böyük bir qrup mütəxəssisi Şuşaya ezam edib. Onlar vəziyyəti öyrəniblər, təhlil ediblər və şəhərin bərpası görülən işlər əsasında həyata keçirilir.
"Şəhər Azərbaycanın mədəniyyət paytaxtı elan edilib və bərpa edildikdən sonra Şuşada həyat qaynayacaq. Orada həm yerli, həm də beynəlxalq tədbirlər – festivallar, müsabiqələr, qastrollar keçirilməlidir. Şuşa təkcə Azərbaycanın deyil, regionun mədəni paytaxtı olacaq", - İ.Əliyev bildirib.
Bərpa prosesinə toxunan İ.Əliyev qeyd edib ki, şəhər erməni işğalı illərində dağıdılıb və orada demək olar ki, infrastruktur yoxdur. İşğal illərində Şuşada maksimum 2-3 min adam yaşayıb. Ermənilər nə qədər çalışsalar da şəhəri məskunlaşdıra bilməyiblər. Orada yaşayanların əksəriyyəti hərbçilər idi.
"Düşmən orada heç nə yaratmayıb, bir neçə oliqarxın villasından başqa bir şey tikməyib. Yollar dəhşətli vəziyyətdədir, binalar dağıdılıb, ətraf zibillik, çirkin köşklərlə dolu idi. Nə vardı, onları da dağıtdıq. Sonra da deyirlər ki, Şuşa erməni şəhəridir", - İ.Əliyev qeyd edib.
İnfrastruktur layihələrinin reallaşması birinci dərəcəli məsələdir. Paralel olaraq şəhərsalma işləri aparılmalıdır.
"Bu təyinata qədər siz Dövlət Şəhərsalma və Arxitektura Komitəsində çalışmısınız, təcrübəniz var və əminəm ki, bu işlərə rəhbərlik edə biləcəksiniz", -İ. Əliyev deyib.
Tarixi və dini abidələrin bərpası üzrə konkret proqram hazırlanır. Böyük hissəsi yararsız vəziyyətdə olan yaşayış fondunun təftişi aparılıb. Prezident İlham əliyev vurğuladı ki, Şuşa ən gözəl şəhərlərdən birinə çevriləcək və bərpa işləri dövlət başçısının şəxsi nəzarəti altında olacaq, -İ.Əliyev qeyd edib. –06D-
Siyasət
-
Ötən ilin noyabrından Azərbaycanda müstəqil mətbuatın və vətəndaş cəmiyyətinin sıxışdırılması müşahidə olunur ki, bu da son dərəcə narahat edir və Azərbaycanı illərlə geriyə atır. Bu barədə cümə günü ABŞ-ın Azərbaycandakı səfiri Mark Libbi bir qrup jurnalistə müsahibəsində bildirib.
-
Böyük Britaniyanın 50-dən çox beynəlxalq təşkilatının və aparıcı universitetinin professorları Britaniya hökümətindən doktor Qubad İbadoğlunun işi üzrə səylərini artırmağa çağırırlar.
-
Demokratik Qüvvələrin Milli Şurası mayın 19-da Bakıda siyasi məhbusların azad edilməsi, seçki islahatlarının aparılması, əhalinin sosial vəziyyətinin yaxşılaşdırılması, quru sərhədlərinin açılması tələbilə etiraz aksiyası təyin edib.
-
Bu gün Ali Məhkəmədə Yunis Səfərovun və Gəncə Şəhər İcra Hakimiyyətinin keçmiş başçısı Elmar Vəliyevə və polis əməkdaşlarına sui-qəsd cəhdində ittiham olunan digər şəxslərin kassasiya şikayətlərinə baxılıb.
Rəy yaz