Bakı/20.11.18/Turan: Çərşənbə axşamı dövlət başçısı İlham Əliyev Türkiyə Silahlı Qüvvələri Baş Qərargah rəisi Yaşar Güləni qəbul edib.
Söhbət zamanı İ.Əliyev birgə hərbi təlimlərin və Bakı ilə Ankara arasında hərbi əməkdaşlığın genişləndirilməsinin əhəmiyyətini qeyd edib.
Cavab sözündə Y.Gülər qeyd edib ki, Türkiyə Qarabağ münaqişəsinin nizamlanmasının vacibliyinə böyük önəm verir.
Bu gün Y.Gülər Azərbaycan Silahlı Qüvvələri Baş Qərargah rəisi Nəcməddin Sadıqov ilə görüşüb.
N.Sadıqov regiondakı hərbi-siyasi vəziyyət, Ermənistan-Azərbaycan cəbhə xəttində durum barədə Türkiyə tərəfinə bilgi verib", - Müdafiə Nazirliyinin məlumatında deyilir.
Y.Gülər Azərbaycan və Türkiyə arasında səmərəli əməkdaşlığın səviyyəsindən razı qaldığını bildirib. O, müxtəlif qoşun növlərinin iştirakı ilə birgə hərbi təlimlərin keçirilməsinin vacibliyini qeyd edib.-02D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz