Prezident İlham əliyev və Birləşmiş Ərəb Əmirliklərinin vəliəhdi dünya energetika bazarında vəziyyəti müzakirə ediblər
Bakı/23.03.22/Turan: Martın 23-də Azərbaycan prezidenti İlham Əliyev və Əbu Dabi vəliəhdi, Birləşmiş Ərəb Əmirlikləri Silahlı Qüvvələri ali baş komandanının müavini Məhəmməd bin Zayed Əl Nəhyanla telefonla danışıblar. Söhbət zamanı Ukrayna hadisələri fonunda dünya energetika bazarında sabitliyin təminatı məsələlərilə bağlı fikir mübadiləsi aparılıb. Tərəflər Azərbaycan və Birləşmiş Ərəb Əmirlikləri arasında ikitərəfli münasibətlərin inkişafından məmnun olduqlarını bildiriblər, əsasən iqtisadi, ticarət, energetika və digər sahələrdə əməkdaşlığın daha da genişləndirilməsi perspektivlərini müzakirə ediblər.
Həmçinin qarşılıqlı maraq doğuran beynəlxalq və regional məsələlərə toxunulub.—06D-
Siyasət
-
2025-ci ilin Azərbaycanda "Konstitusiya və Suverenlik İli" elan edilməsi hakimiyyətin bu il konstitusiya referendumu keçirmək planları haqqında şaiyə və təxminlərə səbəb olub.
-
Azərbaycanla sülh prosesi çərçivəsində Ermənistan gündəlikdəki bütün məsələlərin həlli yollarını təklif edib, bu barədə yanvarın 23-də Ermənistanın Təhlükəsizlik Şurasının katibi Armen Qriqoryan bildirib.
-
Azərbaycan Talışlarının İctimai Şurasının (ATİŞ) İdarə Heyətinin üzvü Hilal Məmmədov yanvarın 23-də Dövlət Təhlükəsizliyi Xidmətində dövlətə xəyanətdə ittiham olunan tədqiqatçı İqbal Əbilovun işi üzrə şahid qismində dindirilib. Məmmədovun Turan-a verdiyi məlumata görə, onu Əbilovun fəaliyyəti, elmi əsərləri və nəşrləri haqqında sorğu-sual ediblər.
-
Yanvarın 23-də Bakının Xətai Rayon Məhkəməsi Meydan TV-nin jurnalisti Aytac Tapdığın ev dustaqlığına köçürülməsi haqqında vəsatəti təmin etməyib. Bu barədə Turan-a vəkil Cavad Cavadov bildirib.
Rəy yaz