Açiq mənbələrdən foto.
Priqojinin ikinci təyyarəsi Bakıda nə edir?
Bakı/25.08.23/Turan: "Vaqner" özəl hərbi şirkətin təsisçisi Yevgeni Priqojinin təyyarələrindən biri, Embraer ERJ-135BJ Legacy 650 avqustun 24-də Bakıya uçub. Bunu Flightradar uçuş izləmə xidmətinin məlumatları sübut edir. Bu mənbəyə görə, təyyarə Moskvadan saat 15:30-da qalxıb və saat 19:04-də Bakı hava limanına enib.
Rusiya mənbələri bildirirlər ki, bu, “Vaqner” özəl hərbi şirkətin təsisçisi Yevgeni Prigojinə məxsus iki təyyarədən biridir. Qeyd edək ki, o, avqustun 23-də Rusiyanın Tver vilayətində qəzaya uğrayan təyyarədə həlak olub.
Avqustun 23-də ikinci Embraer Priqojinin təyyarəsinin ardından Moskvadan Sankt-Peterburqa uçub. Lakin Prigojinin təyyarəsi qəzaya uğrayandan sonra ikinci təyyarə Moskvaya qayıdıb və növbəti gün Bakıya uçub.
Flightradar-ın məlumatına görə, pilot Arslan İslamovun idarə etdiyi həmin Embraer-135 BJ Legacy təyyarəsi avqustun 25-də yerli vaxtla saat 15:00-da Bakıdan Moskvaya uçacaq, Moskva vaxtı ilə saat 17:03-də Moskvaya çatmalıdır.
Bu təyyarə ilə Bakıya gələn sərnişinlər haqda heç bir məlumat yoxdur. 02B
Siyasət
-
Yeni Kaledoniya Konqresinin yeni seçilmiş prezidenti Veilma Faleo Azərbaycanla əməkdaşlıq haqqında mübahisəli sazişin ləğv olunduğunu elan edib. Bu ilin əvvəlində Faleonun sələfi Ro Vamitan tərəfindən imzalanmış saziş Yeni Kaledoniyanın Fransadan müstəqilliyi uğrunda mübarizəsinin dəstəklənməsinə yönəlmişdi. Lakin bu addım Fransa hökumətinin kəskin reaksiyasına səbəb oldu və Azərbaycanı onun xarici ərazilərinə müdaxilədə və separatçı ambisiyaları qızışdırmaqda ittiham etdi.
-
Azərbaycan Xalq Cəbhəsi Partiyasının (AXCP) Suraxanı rayon şöbəsinin fəalı Tehran Abdullayev oktyabrın 15-də saxlanılıb. AXCP fəalının saxlanılmasından yalnız 3 gün sonra xəbər tutub.
-
Oktyabrın 18-də Bakının Səbail Rayon Məhkəməsində gənc tədqiqatçı Bəhruz Səmədovun saxlanıldıqdan sonra ona qarşı fiziki təzyiqlə bağlı araşdırmanın nəticəsinin olmamasına dair şikayətinə baxılıb.
-
Qərb Cənubi Qafqazda öz maraqlarını güdür, proseslərə müdaxilə etməyə çalışır, bu da region üçün təhdid təşkil edir. Bu barədə Rusiyanın XİN başçısı Sergey Lavrov oktyabrın 18-də İstanbulda 3+3 platformasının iclasının yekunlarına həsr olunmuş mətbuat konfransında bildirib.
Rəy yaz