![Prokurorluq Rauf Mirqədirovun işi üzrə jurnalistləri dindirir](https://turan.az/resized/750/500/resize/media/2014/main/050100077262.jpg)
Prokurorluq Rauf Mirqədirovun işi üzrə jurnalistləri dindirir
Çərşənbə günündən etibarən prokurorluq “Zerkalo” qəzetinin həbs edilmiş icmalçısı Rauf Mirqədirov və Sülh və Demokratiya İnstitutunun layihələri ilə bu və ya digər şəkildə əlaqəsi olan jurnalistləri dindirməyə başlayıb.
Belə ki, aprelin 30-da layihə çərçivəsində analitik qismində erməni və azərbaycanlı jurnalistlərin suallarını cavablandıran ekspert Zəfər Quliyev dindirilib.
Çərşənbə axşamı “Yeni Müsavat” qəzetinin vaxtilə Mirqədirovla birlikdə işləmiş əməkdaşı Azər Rəşidoğlu dindirilmək üçün prokurorluğa çağırılıb.
Dindirməyə dəvət edilənlərdən Mirqədirova qarşı münasibətləri və Sülh və Demokratiya İnstitutunun erməni hüquq müdafiəçiləri ilə birgə həyata keçirdiyi “İctimai dialoqlar” layihəsində iştirakları haqqında soruşurlar.
Göründüyü kimi, prokurorluq ermənilər və azərbaycanlılarla etibarın bərpa edilməsi məqsədilə həyata keçirilən bu layihə ilə bu və ya digər şəkildə əlaqəsi olan və ya onda iştirak edən hər kəsi dindirəcək.
Xatırladaq ki, Rauf Mirqədirov 2008-2009-cu illərdə Yerevana səfəri zamanı Ermənistanın xeyrinə casusluq etməkdə ittiham edilərək həbs olunub. -02В-
-
- Mədəniyyət
- 1 May 2014 17:14
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz