![Açiq mənbələrdən foto.](https://turan.az/resized/750/500/resize/media/2020/main/070800028510.jpg)
Açiq mənbələrdən foto.
Prokurorluq rüşvət alan orkestr rəhbəri ifşa edib
Bakı/08.07.20/Turan: Ölkənin “bütün” korrupsionerlərini tutan prokurorluq Dövlət Nəfəs alətləri orkestrinə, daha dəqiq isə, onun bədii rəhbəri Lütfi Qədirova keçib.
Baş Prokurorluğun məlumatına görə, Baş Prokurorluq yanında Korrupsiyaya qarşı Mübarizə İdarəsinin araşdırmaları nəticəsində “Lütfi Qədirovun 2010-2020-ci illərdə Azərbaycan Dövlət Nəfəs alətləri orkestrinin bədii rəhbəri işləyərkən xidməti vəzifələrinin icrası ilə əlaqədar tabeçiliyində olan əməkdaşlara ümumi himayədarlıq və laqeydlik müqabilində onlardan külli miqdarda rüşvət almasına dair kifayət qədər dəlillər aşkar edilib”.
Belə ki, o, 2017-2020-ci illərdə işə gəlməyənlərlə əmək müqavilələrinə xitam verməyib. Bunun müqabilində bədii rəhbər işçilərin bank kartlarına ödənilən məbləğin 85-90%-ni rüşvət qismində alırdı. Bu yolla o, 54 min manat qazanıb.
Qədirova qarşı CM-in 311.3-cü (qabaqcadan əlbir olaraq külli miqdarda təkrar rüşvət alma) maddəsi ilə ittiham irəli sürülüb. Binəqədi rayon məhkəməsinin qərarı ilə o, 4 ay müddətinə həbs edilib. Bədii rəhbər 8 ildən 12 ilədək azadlıqdan məhrum edilə bilər. -06D-
-
- Maliyyə
- 8 İyul 2020 16:01
Siyasət
-
Müsavat Partiyasının Seçki qərargahına seçki gününün ilk saatlarından qanun pozuntuları barədə məlumatlar da daxil olur.
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
Rəy yaz