Vaşinqton/22.03.22/Turan: TURANın Vaşinqtondakı müxbiri xəbər verir ki, Moskvanın Kiyevə qarşı saxta ittihamları göstərir ki, Vladimir Putin Ukraynada bioloji və kimyəvi silahlardan istifadə etməyi düşünür.
Bazar ertəsi gecə danışan prezident Co Bayden deyib ki, bu, “Putinin bu cür silahlardan istifadə etməyi düşündüyünə aydın işarədir”.
Pentaqonun sözçüsü Con Kirbi bazar ertəsi jurnalistlərə deyib: “Biz, şübhəsiz ki, Rusiya qoşunlarının müharibə cinayətləri törətdiyinə dair aydın sübutlar görürük və biz bu sübutların toplanmasına kömək edirik”.
Həmin gün Bayden məsələni Fransa prezidenti Emmanuel Makron, Almaniya kansleri Olaf Şolz, İtaliyanın baş naziri Mario Draqi və Böyük Britaniyanın baş naziri Boris Consonla müzakirə edib.
Ağ Evin hesabatında deyilir ki, liderlər “ölkələrini Rusiyanın təcavüzündən müdafiə edən ukraynalılara təhlükəsizlik yardımı və zorakılıqdan qaçan milyonlarla ukraynalıya humanitar yardım göstərməklə, Ukraynaya davamlı dəstəyini vurğuladılar”.
Ağ Ev, həmçinin, Rusiya hökumətinin ABŞ-ın kritik infrastrukturunu hədəf alan “potensial kiberhücum variantlarını” araşdırdığını irəli sürən “kəşfiyyata” istinad edərək, özəl şirkətləri kibermüdafiələrini gücləndirməyə çağırıb.
“Mən xəbərdarlıq etmişdim ki, Rusiya görünməmiş iqtisadi sanksiyalara cavab olaraq ABŞ-a qarşı kiberhücum edə bilər. Bu gün biz Rusiya hökumətinin potensial kiberhücum variantlarını dair kəşfiyyata əsaslanan xəbərdarlıgı təkrar edirik”, - deyə Bayden bildirib. -0-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz