Putin Əliyev və Paşinyanla Qarabağa dair danışıqları vacib və faydalı adlandırıb

Bakı/11.01.20/Turan: RF prezidenti Vladimir Putin Azərbaycan prezidenti İlham Əliyev və Ermənistanın baş naziri Nikol Paşinyanla Dağlıq Qarabağda vəziyyətin nizamlanması üzrə razılaşmaya əməl olunmasına dair danışıqları mühüm və faydalı  adlandırıb. Bu barədə TASS məlumat yayıb.

"Mən bugünkü görüşü olduqca mühüm və faydalı hesab edirəm, çünki regionda vəziyyətin inkişafı ilə bağlı dair razılığa gələ bildik və  birgə bəyanat imzaladıq”, - rusiyalı lider bazar ertəsi üçtərəfli danışıqların yekunlarına əsasən bildirib. O dəqiqləşdirib ki, iqtisadi əlaqələrin inkişafı və infrastruktur layihələr üzrə konkret addımları nəzərdə tutur. 

RF prezidenti əlavə edib ki, bu məqsədlə “işçi qrupu yaradılacaq, qrupa üç hökumətin –Azərbaycan, Ermənistan və Rusiya hökumət başçıları rəhbərlik edəcəklər. Putin dəqiqləşdirib ki, yaxın vaxtlarda hökumət başçılarının müavinləri alt işçi qrupları yaradacaqlar, regionun nəqliyyat infrastrukturuna  və iqtisadiyyatına dair konkret planları təqdim edəcəklər.  “Əminəm ki, yaxın vaxtlarda hökumət başçılarının  müavinləri həm Azərbaycan, həm də Ermənistan xalqlarının xeyrinə olacaq, heç şübhəsiz ki, ümumilikdə regionun xeyrinə olacaq, bu isə  deməkdir ki, Rusiya Federasiyasının maraqlarına da cavab verəcək”, - Rusiya dövlətinin başçısı deyib.       

Putin Moskvaya gəlməyə razılıq verdikləri üçün öz həmsöhbətlərinə bir daha təşəkkür edib. Həmçinin əlavə edib ki, hər üç ölkə ümumi fikrə gəlib ki 9 noyabr 2020-ci il sazişinin şərtlərinə ümumilikdə əməl olunur, heç bir ciddi insident qeydə alınmır, Rusiya sülhməramlı qrupu öz öhdəliklərini tamamən yerinə yetirir.  

Rusiya lideri qeyd edib ki, artıq 48 mindən çox köçkün və qaçqın  Dağlıq Qarabağa qayıdıb, həmçinin infrastrukturun bərpası, energetika və s. üzrə intensiv iş gedir. 

Rusiya prezidenti ümid edir ki, Cənubi Qafqazda münaqişənin nizamlanması Moskva və Bakı arasında ikitərəfli münasibətlərin xeyrinə olacaq.--0--