Açiq mənbələrdən foto.
Putin Ukraynaya Yaxın Şərqdən 16 min muzdlu göndərir
Bakı/11.03.22/Turan: Cümə günü Rusiya prezidenti Vladimir Putin Təhlükəsizlik Şurasının üzvlərilə keçirilən müşavirədə Ukraynada müharibəyə xarici muzdluların göndərilməsi ideyasını dəstəkləyib.
Belə ki, müdafiə naziri Şoyqu məlumat verib ki, "artıq çox müraciət daxil olub, ən çox Yaxın Şərqdəndir -16 min nəfərdən çox”. Bu barədə Kremlin saytındakı məlumatda deyilir.
Prezident bu təklifi dəstəkləyib və qeyd edib ki, "Ukraynanın qərb sponsorları" artıq döyüş bölgəsinə muzdluları göndərirlər.
"Odur ki, əgər görsəniz ki, könüllülük əsasında, üstəlik pul qarşılığında yox, gəlib Donbasda yaşayan adamlara kömək göstərmək istəyənlər var, onları qarşılamaq lazımdır”, - Putin deyib.
Beləliklə, Rusiya dolayısı ilə döyüş qabiliyyətli hissələrin çatışmazlığını etiraf edib və özü Yaxın Şərqdən yaraqlıların iştirakı ilə müharibənin beynəlmiləlləşdirilməsinə təşəbbüs edir. Şübhə yoxdur ki, söhbət Rusiya tərəfilə sıx əməkdaşlıq edən Suriya və Liviya yaraqlılarından gedir. -02D-
Siyasət
-
Bu gün vəkil Elmar Süleymanov 1 saylı Bakı İstintaq Təcridxanasında Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədli ilə görüşüb.
-
1 May - Beynəlxalq Əmək Günündə işçi haqları fəalları işçilərlə həmrəy olduqlarını nümayiş etdirmək üçün Bakının Mərkəzi Parkında yerləşən körpüyə "Sahib olduğunuz sərvət işçilərdən oğurluqdur" bannerini asıblar.
-
Mayın 1-də Azərbaycan prezidenti İlham Əliyev İraq Respublikası parlamentinin sədri Möhsin Əli Əkbər Əl-Mandalavini qəbul edib.
-
Bakı Şəhər İcra hakimiyyəti Demokratik Qüvvələrin Milli Şurasının mayın 5-də etiraz aksiyası keçirmək barədə müraciətinə yenidən imtina cavabı verib. Bu barədə Turan-a Demokratik Qüvvələrin Milli Şurasının rəhbəri Cəmil Həsənli bildirib.
Rəy yaz