Recep Tayyip Erdogan and Vladimir Putin.
Bakı/18.02.21/Turan: Fevralın 18-də Türkiyə prezidenti Rəcəb Tayyib Ərdoğan Rusiya prezidenti Vladimir Putinlə telefonla danışıb. Türkiyə prezidentinin mətbuat xidmətinin məlumatına görə, dövlət başçıları Dağlıq Qarabağda vəziyyəti, həmçinin Suriya və Liviyada böhrandan çıxış yollarını müzakirə ediblər.
“Anadolu” agentliyinin məlumatına görə, Ərdoğan qeyd edib ki, Azərbaycanın Ağdam rayonundakı Türkiyə-Rusiya birgə Monitorinq Mərkəzi uğurla fəaliyyət göstərir. Bütün tərəflər Dağlıq Qarabağda atəşkəs rejiminin təmin edilməsinə öz töhfəsini verməlidirlər.
Ərdoğan Dağlıq Qarabağda nəqliyyat yollarının bərpası üzrə səylərin effektivliyinin artırılması məqsədilə üç ölkə ekspertlərinin görüşünün keçirilməsini təklif edib.
Daha sonra Türkiyə prezidenti Suriya böhranının nizamlanmasının əhəmiyyətini vurğulayıb, Liviyada sülhün və sabitliyin təmin olunması üçün bütün imkanlardan istifadə edilməsinin vacibliyini qeyd edib.02D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz