Vladimir Putin and Nikol Pashinyan.
Bakı/02.12.20/Turan: Ermənistan və onun xalqı öz tarixinin çətin dövrünü yaşadı, lakin Qarabağa dair lazımi qərarlar qəbul edildi, bu barədə RF prezidenti Vladimir Putin çərşənbə günü KTMT Kollektiv Təhlükəsizlik Şurasının iclasında bildirib.
"Həqiqətən Ermənistan və erməni xalqı öz tarixinin çox mürəkkəb dövrünü yaşadı və Ermənistan rəhbərliyi, baş nazir Ermənistan xalqı üçün çox mürəkkəb, lakin zəruri olan qərarları qəbul etməyə məcbur oldu",- Putin qeyd edib.
O, bu qərarları "ağrılı, lakin zəruri" adlandırıb və qeyd edib ki, onların qəbulu Ermənistanın baş naziri Nikol Paşinyandan böyük şəxsi cəsarət tələb edib.
"Bu aydın bir şeydir. Bugünkü müşavirədə iştirak edənlərin hər biri bu cür qərarların qəbulu zamanı məsuliyyət dərəcəsini başa düşür. O bu məsuliyyəti öz üzərinə götürdü", - Putin deyib və əlavə edib ki, KTMT üzrə həmkarların vəzifəsi dinc həyatı qurmaq, qəbul olunmuş bütün qərarların icrasına nail olmaq və çətin vəziyyətə düşmüş insanlara yardım göstərmək üçün Ermənistanın baş nazirini və onun komandasını dəstəkləməkdən ibarətdir.
"Qan tökülməsinin qarşısını almaq, tam atəşkəsə nail olmaq və sabitləşmə prosesinə başlamaq üçün Rusiyadan çox böyük vasitəçilik səyləri tələb olunurdu",- o qeyd edib. Bununla yanaşı, Rusiya ATƏT-in Minsk Qrupunda, əsasən onun həmsədrləri arasında əldə edilmiş əsas razılaşmalara əməl etdi.
"Rusiya tərəfi Yerevan və Bakı ilə koordinasiya şəraitrində artıq bütün bu məsələlərlə məşğul olur. Moskva KTMT və MDB üzrə bütün tərəfdaşların bu humanitar təşəbbüslərə qoşulmasında maraqlıdır",- Putin əlavə edib. Onun sözlərinə görə, digər beynəlxalq təşkilatlarla əməkdaşlıq imkanları da müzakirə olunur.
Öz növbəsində, Ermənistanın baş naziri Nikol Paşinyan hərbi əsirlərin və girovların, həlak olanların cəsədlərinin dəyişdirilməsi ilə bağlı məsələləri təcili həll etməyə çağırıb. O deyib ki, hərbi əsirlərə, saxlanılan şəxslərə zorakılığın tətbiqi və onların ləyaqətinin alçaldılması hallarını istisna etmək lazımdır.
Onun sözlərinə görə, Qarabağ ermənilərinin öz evlərinə qayıtmasına şərait yaratmaq və Azərbaycanın nəzarəti altında olan ərazilərdə ermənilərin mədəni və dini abidələrinin qorunması üçün tədbirlər görmək lazımdır.-02D-
Siyasət
-
Çərşənbə axşamı ABŞ prezidenti Donald Tramp ilk beynəlxalq qonağını - İsrailin baş naziri Binyamin Netanyahunu Ağ Evdə qarşılayıb.
-
Jurnalist Şəmşad Ağa gecə saatlarında polis tərəfindən saxlanılıb. Bu barədə jurnalistin qardaşı Şahid Ağayev Amerikanın Səsinə bildirib.
-
Rəqəmsal İnkişaf və Nəqliyyat Nazirliyi “Azərbaycan Hava Yolları” QSC-yə (AZAL) məxsus “Embraer 190” tipli sərnişin təyyarəsinin Aktau hava limanı yaxınlığında qəzaya uğraması ilə bağlı Beynəlxalq Mülki Aviasiya Təşkilatının (BMAT) 1944-cü il Beynəlxalq Mülki Aviasiya haqqında Çikaqo Konvensiyasının 13 saylı Əlavəsinin tələblərinə uyğun aparılan araşdırmanın ilkin hesabatı barədə məlumat yayıb.
-
Qazaxıstan Respublikasının Nəqliyyat Nazirliyi 25 dekabr 2024-cü il tarixində Aktau yaxınlığında baş vermiş Azərbaycan Hava Yollarına məxsus Embraer-190 təyyarəsinin qəzaya uğraması ilə bağlı ilkin araşdırma hesabatını dərc edib. Hesabat nazirliyin rəsmi saytında açıq şəkildə yayımlanıb.
Rəy yaz