Лука Волонте
Bakı/12.01.21/Turan: Avropa Şurası Parlament Assambleyasının keçmiş üzvü Luka Volonte yanvarın 11-də korrupsiya ittihamı ilə 4 il müddətinə həbs edilib, bu barədə “Kavkazskiy uzel” İtaliyanın La Republica nəşrinə istinadla məlumat verir.
Milan məhkəməsi Volonteni Azərbaycanın iki siyasi xadimindən yarım milyon avro almaqda təqsirli bilib. Məhkəmənin iddiasına görə, Volonte bu məbləği 2013-cü ildə AŞPA-nın Azərbaycanda siyasi məhbuslar haqqında məruzəni qəbul etməsinə mane olmaq üçün alıb.
İttiham tərəfi hesab edir ki, Volonteyə göndərilən vəsait konsaltinq xidmətləri üçün ödəniş kimi rəsmiləşdirilirdi. Volonte təxminən 2,4 milyon alıb, amma cəmi yarım milyonun alınmasını sübuta yetirmək mümkün olub.
Volontenin vəkili keçmiş deputatın qeyd edilən rüşvətin alınması istisna olmaqla, ittihamın əksər bəndləri üzrə bəraət almasından məmnunluğunu bildirib. “Əminik ki, şikayətdən sonra ittihamın bu kiçik hissəsi də aradan qalxacaq və Luka Volontenin təqsirsizliyi tamamilə etiraf ediləcək”, deyə nəşr vəkil Domeniko Pulitanodan sitat gətirir.
İtaliyalı deputat Lula Volonte beynəlxalq “Kürü diplomatiyası” qalmaqalının – beynəlxalq “Avropa Sabitlik Təşəbbüsü” qeyri-hökumət təşkilatının araşdırmasının fiqurantıdır. O, Azərbaycandan 2,3 mln. avro almaqda, bu vəsaiti 2013-cü ilin yanvarında Azərbaycanda siyasi məhbuslar haqqında məruzənin qəbul edilməməsi məqsədilə bir sıra AŞPA deputatlarının cəlb edilməsinə xərcləməkdə ittiham olunur.
2016-cı ildə Milan prokurorluğu Volonte barəsində təhqiqata başlayıb, ona qarşı ittihamlar irəli sürüb. Onun barəsində məhkəmə 2019-cu ilin iyununda başlayıb.
2017-ci ildə AŞPA müstəqil istintaq qrupu yaradaraq, deputatlar arasında korrupsiya faktları ilə bağlı öz araşdırmasını aparıb.
2018-ci il iyunun 27-də Komitə prosedur qaydalarına uyğun olaraq 14 deputatın Avropa Şurasının binasına və tədbirlərinə girişini ömürlük qadağan edib. Azərbaycandan o vaxtki iki deputat – Müslüm Məmmədov və Elxan Süleymanov da sanksiyalara məruz qalıb. Qalmaqal başladıqdan sonra onlar artıq Bakıdan AŞPA tədbirlərinə ezam edilmir. -0-
Siyasət
-
Plastik cərrahiyyə fəaliyyətinə dair saxta sertifikatların verilməsinə görə Səhiyyə Nazirliyinin məmurlarına cinayət işi açılıb. Bu barədə Baş Prokurorluq və Səhiyyə Nazirliyinin 27 dekabr tarixli birgə məlumatında deyilir.
-
Rusiyanın hava hücumundan müdafiə sistemi səhvən AZAL-ın təyyarəsinə hücum etsə də, Rusiya buna görə məsuliyyət daşıyır. Bu barədə bu gün Müsavat Partiyası bildirib.
-
AZAL Bakıdan Rusiyanın digər üç şəhərinə – Nijni Novqorod, Vladiqafqaz və Saratova sərnişin reyslərini dayandırır. Bu barədə AZAL-ın 27 dekabr tarixli məlumatında deyilir.
-
Ermənistan oktyabrda Xankəndidə vəfat etmiş yaşlı erməninin cənazəsini qəbul etməkdən imtina edir. Əgər erməni tərəfi yanvarın sonuna qədər qadının cənazəsini qəbul etməsə, o, Azərbaycanda dəfn olunacaq. Bu barədə Azərbaycanın Əsir və itkin düşmüş, girov götürülmüş vətəndaşlarla əlaqədar.
Rəy yaz