![president.az](https://turan.az/resized/media/2023/main/080200065033-750-500-resize.webp)
president.az
Qarabağ ermənilərinin təhlükəsizliyi, təhsil, mədəniyyət, dini, bələdiyyə hüquqları təmin ediləcək - İlham Əliyev
Bakı/02.08.23/Turan: Qarabağın erməni sakinləri ya qalıb Azərbaycan qanunları ilə yaşamalıdırlar, ya da getməlidirlər. Bunu “Euronews” telekanalına müsahibəsində Azərbaycan prezidenti İlham Əliyev deyib.
Azərbaycanda qalan ermənilərin təhlükəsizliyi, “təhsil, mədəni, dini, bələdiyyə hüquqları” təmin ediləcək”, deyə o bildirib.
Onlar onsuz da Azərbaycanın çox zəngin olduğu digər milli azlıqları kimi Azərbaycan vətəndaşları olaraq yaşayacaqlarına və ya Azərbaycanı tərk edəcəklərinə dair seçim etməlidirlər. Bu, onların seçimidir. Onlar heç bir hüquqi icazə olmadan ya Ermənistan vətəndaşları olaraq, ya da heç kim tərəfindən tanınmayan dırnaqarası “Dağlıq Qarabağ respublikası”nın vətəndaşları olaraq bizim ərazidə yaşaya bilməzlər.
Bu yanaşma beynəlxalq təcrübəyə uyğundur. Bu yanaşma separatizmə qarşı mübarizə aparan bir çox Avropa ölkələrində gördüyümüz təcrübəyə uyğundur", - - deyə o qeyd edib.
O, “Avropa və Qərbin separatizmlə mübarizədə Ukraynaya kömək etmək üçün birləşdiyinə” diqqət çəkib. “Nəyə görə Gürcüstanın separatçı regionlarına qarşı yanaşması Qərb cəmiyyəti və siyasətçiləri tərəfindən tamamilə anlaşılır, lakin bizim eyni mənşədən olan separatizmə son qoymaq üçün legitim istəyimiz sual atlına alınır? Nə üçün İspaniya Kataloniyaya referendum keçirməyə icazə vermir, baxmayaraq ki, onların sayı 5, yaxud 6 milyon nəfərdir və yaxınlıqda öz dövləti olan ermənilərdən fərqli olaraq, onların öz dövləti yoxdur. Nə üçün biz separatizmə dözməliyik? Biz bunu etməyəcəyik”, - Əliyev bildirib.
O, Qarabağ ermənilərini “beynəlxalq ictimaiyyətin sülh təşəbbüslərinə qarşı çıxmamağa” çağırıb, çünki əks halda “gələcəkdə vəziyyət gözlənilməz ola bilər”.
“Gördüyümüz kimi, dünyada və regionda geosiyasi vəziyyət çox kəskin şəkildə dəyişir. Təhlükəsizliyə olan ümidlərinin bir qismi tamamilə yox oldu. İndi onlar yeni təhlükəsizlik qarantları axtarırlar. Bu regionda kim Azərbaycanla döyüş meydanında üzləşməyə hazırdır? Xüsusən də müharibə zamanı nümayişimizdən və müdafiə qabiliyyətimizi artırdıqdan sonra", - deyə Əliyev qeyd edib.
Qarabağ erməniləri onilliklər boyu onları aldadan “liderlərinin” arxasınca getməməlidirlər. “Onlar Xankəndidə hakimiyyəti zəbt etmiş və əsas məqsədi öz maraqlarını təmin etmək olan bugünkü qruplaşmanın girovuna çevrilməməlidir”, - Əliyev vurğulayıb.
Onun sözlərinə görə, “Qarabağ erməniləri başa düşməlidirlər ki, Azərbaycan cəmiyyətinin bir hissəsi olmaqla, daha yaxşı yaşayacaqlar. Bununla belə, “onlar başa düşməlidirlər ki, bizə məhəl qoymamağa davam etsələr, mövcud vəziyyət onların xeyrinə dəyişməyəcək. Biz onlara normal həyat təklif edirik. Düşünürəm ki, onlar mənə qulaq assalar başa düşəcəklər və bilirlər ki, mən sözümə əməl edirəm”, - deyə Əliyev bildirib. 06B
-
- İqtisadiyyat
- 2 Avqust 2023 12:01
Siyasət
-
“Biz Azərbaycanı beynəlxalq insan hüquqları öhdəliklərinə əməl etməyə və haqsız yerə həbs edilmiş bütün şəxsləri azad etməyə çağırmaqda davam edirik”. Bu barədə ABŞ-ın Azərbaycandakı səfirliynin Azərbaycanda Milli Mətbuat və Jurnalistika Günü ilə bağlı açıqlamasında deyilir.
-
Bazar ertəsi Birləşmiş Ştatlar Rusiya məhkəməsinin hərbi senzura haqqında qanunların pozulmasına görə 6,5 il müddətinə həbsə məhkum etdiyi “Azadlıq Radiosu”nun jurnalisti Alsu Kurmaşeva barəsində hökmü pisləyib.
-
Bazar ertəsi Birləşmiş Ştatlar Moskva rəsmilərinin Gürcüstanın hakim partiyasına hakimiyyəti əlində saxlaması üçün “köməyini” təklif etməsindən sonra Rusiyanın Gürcüstanda seçkilərə müdaxilə etmək cəhdlərini “diqqətlə müşahidə etdiyini” bildirib, xəbəri Turan-ın Vaşinqtondakı müxbiri verib.
-
Bazar ertəsi Birləşmiş Ştatlar bildirib ki, Azərbaycan və Ermənistan arasında sülh müqaviləsinə nail olunması üzərində işləməyə davam edir, bu barədə Turan-ın Vaşinqtondakı müxbiri xəbər verib.
Rəy yaz