Qarabağda ermənilər Bakı nümayəndələrinin mineral mədənlərin monitorinqinin qarşısını alıblar/YENİLƏNİB/

Bakı/12.10.22/Turan: Azərbaycanın Ekologiya və İqtisadiyyat nazirliklərinin nümayəndələri tərəfindən dekabrın 10-da Qarabağda (keçmiş Mardakert rayonu) mineral mədənlərdə keçirilməsi planlaşdırılan monitorinq Ermənistan tərəfi tərəfindən pozulub.

Xatırladaq ki, Bakı nümayəndələri Qızılbulaq qızıl yatağına və Dəmirli mis-molibden yatağına baxış keçirməli idilər.

Göstərilən yataqların girişində Rusiya sülhməramlılarının müşayiəti ilə maşın karvanı dayandırılıb və minaların ərazisinə buraxılmayıb. Yolu onlarla mülki geyimli gənc kəsib.

Sülhməramlıların komandanlığı ilə erməni tərəfi arasında aparılan danışıqlar heç bir nəticə verməyib.

Eyni zamanda separatçı liderlər Azərbaycanın dövlət orqanlarının nümayəndələrini faydalı qazıntı yataqlarına buraxmaq niyyətində olmadıqlarını açıq şəkildə bildirdilər.

O cümlədən, “hökumət”in yeni başçısı Ruben Vardanyan Qarabağın gələcəyini Azərbaycanın tərkib hissəsi kimi görmədiyini və Qarabağın Azərbaycan qanunlarını tanımadığını bəyan edib.

Rəsmi Bakı hələlik bu məsələ ilə bağlı açıqlama verməyib.

Xatırladaq ki, yuxarıda adı çəkilən mədənlər 1992-ci ildən Londonda qeydiyyatdan keçmiş Bays Metals şirkəti tərəfindən istismar edilir. 2015-ci ildə Sərsəng su anbarına emaldan çıxan tullantıların uzun müddət axıdılması və bu, balıqların kütləvi tələfatına səbəb olduğu üçün ətraf kəndlərin sakinləri mədənin fəaliyyətinin dayandırılmasını tələb ediblər. -02B-

*   *   *

2022 Dekabr 10 (Şəmbə) 13:55:06

Azərbaycanlı mütəxəssislər Qarabağda monitorinqlərə başlayırlar

Bakı/10.12.22/Turan: Dekabrın 10-dan Azərbaycan mütəxəssisləri Qarabağ ərazisində faydalı qazıntı yataqlarının qanunsuz istismarı üzrə monitorinqlərə başlayırlar. Bu barədə İqtisadiyyat Nazirliyi, Ekologiya və Təbii Sərvətlər Nazirliyinin birgə məlumatında  deyilir.

2022-ci il dekabrın 3-də və 7-də Rusiya sülhməramlı kontingentinin komandanlığı ilə aparılmış müzakirələrin nəticəsi olaraq İqtisadiyyat Nazirliyi, Ekologiya və Təbii Sərvətlər Nazirliyi, İqtisadiyyat Nazirliyi yanında Əmlak Məsələləri Dövlət Xidməti və “AzerGold” Qapalı Səhmdar Cəmiyyətinin mütəxəssislərindən ibarət heyət Rusiya sülhməramlı kontingentinin müvəqqəti yerləşdiyi Azərbaycan ərazilərində faydalı qazıntı yataqlarının qanunsuz istismarı faktlarının araşdırılması üçün ilkin monitorinqlərə başlayır, press-relizdə qeyd edilir.

Monitorinq zamanı faydalı qazıntı yataqlarına, xüsusilə Qızılbulaq qızıl və Dəmirli mis-molibden yataqlarına yerində baxış və müxtəlif istiqamətlər üzrə monitorinq, əmlakın kadastr uçotunun təşkili, ətraf mühitə, yeraltı və yerüstü su mənbələrinə potensial zərərin və risklərin qiymətləndirilməsi nəzərdə tutulub.—06В-