Bakı/27.01.23/Turan: Qazaxıstan Respublikası Xarici İşlər Nazirliyi Azərbaycan Respublikasının Tehrandakı səfirliyinə 27 yanvar 2023-cü ildə baş vermiş və diplomatik nümayəndəlik əməkdaşlarının ölümü və yaralanması ilə nəticələnən silahlı hücumu qətiyyətlə pisləyib.
"Qazaxıstan diplomatik nümayəndəliklərə və onun nümayəndələrinə qarşı zorakılıq və təcavüz aktlarının hər hansı bir təzahürünü qəbuledilməz hesab edir. Hesab edirik ki, bu cür hücumlar beynəlxalq hüququn əsaslarını və normalarını pozur və ümumi qınağa məruz qalmalıdır.
Qardaş Azərbaycan xalqına, eləcə də həlak olmuş Azərbaycan Respublikasının vətəndaşı Orxan Əsgərovun yaxın və əzizlərinə səmimi qəlbdən başsağlığı veririk. Zərər çəkmiş şəxslərin tezliklə sağalmasını arzu edirik", - deyə RK XİN-in bəyanatında bildirilir.
Qazaxıstan XİN əmin olduğunu bildirib ki, İran hakimiyyəti hadisəni hərtərəfli araşdıracaq və günahkarları cəzalandırmaq üçün müvafiq tədbirlər görəcək.--0--
Siyasət
-
Fəal Clalə Cavadov saxlanılıb. Onunla saat 16.00-dan əlaqə kəsilib.
-
Yanvarın 31-də vəkil Elçin Sadıqovun 15 saylı cəzaçəkmə müəssisəsində xeberman.com saytının rəhbəri Polad Aslanov və bloger Rəşad Ramazanovla görüşməsinə icazə verilməyib.
-
Biz maneəsiz əlaqənin əleyhinə deyilik, lakin bu, Ermənistanın yurisdiksiyasından yayınmaqla maneəsizlik demək deyil. Bu barədə cümə günü Ermənistanın baş naziri Nikol Paşinyan mətbuat konfransında bildirib.
-
Yanvarın 31-də Tbilisi şəhər məhkəməsi Azərbaycanın Azel TV saytının təsisçisi Əfqan Sadıqovun həbs müddətini 3 ay uzadıb.
Rəy yaz