Bakı/09.01.22/Turan: Yanvarın 9-na Qazaxıstanda 5 mindən çox “quldur” və “terrorçu” həbs edilib, Qazaxıstan Daxili İşlər Nazirliyi yanvarın 9 da bildirib.
Belə bir mühüm “uğurdan” ruhlanan ölkə hakimiyyəti təhrikçilərdən birini - Qırğızıstan vətəndaşını ictimaiyyətə təqdim edib. Yerli televiziyanın reportajında döyülən şəxs deyir ki, gəlib mitinqdə iştirak etmək üçün ona 200 dollar pul verilib. Lakin çox keçmədən məlum oldu ki, “terrorçu” əslində Yeni il bayramlarında Qazaxıstana konsert verməyə gəlmiş caz musiqiçisi Vikram Ruzaxunovdur.
Qırğızıstanın Xarici İşlər Nazirliyi vətəndaşının azad edilməsi tələbi ilə etiraz notası göndərib.
Eyni zamanda, Qazaxıstan hakimiyyəti yanvarın 4-dən bəri ölkədə baş verən iğtişaşlar zamanı 164 nəfərin öldüyünü bildirib.
Müstəqil və müxalifət telekanalları əsgərlərin dinc nümayişçilərə atəş açması ilə bağlı videogörüntülər yayımlayıb. Şərhlərə görə, məhz bundan sonra izdiham dövlət qurumlarını darmadağın etməyə və polisə hücum etməyə gedib.
Mütəşəkkil dəstələr və terrorçular yoxdur. Hakimiyyət tərəfindən quldur kimi təgdim edilənlərin əksəriyyəti qonşu ölkələrdən - Özbəkistan, Qırğızıstan və Tacikistandan muzdlu işçilərdir. -0-
Siyasət
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
-
Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransının 29-cu Sessiyası (COP29) çərçivəsində noyabrın 16-da “Qarabağ” komandasının təşəbbüsü ilə dünyanın tanınmış futbol klublarının iqlim naminə alyansı təsis edilib. Alyans COP29 Sədrliyi və Birləşmiş Millətlər Təşkilatının İqlim Dəyişmələri üzrə Çərçivə Konvensiyasının (Framework Convention on Climate Change, UN FCCC) dəstəyi, “Qarabağ” və Avropa Klublar Assosiasiyasının (ECA) birgə təşkilatçılığı ilə təsis olunub.
-
Noyabrın 16-da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirildiyi məkanda ekofəallar iqlim dəyişkliyinə qarşı mübarizə üçün sənaye dövlətlərinin pul ödəməsini və meşə ərazilərində yaşayan insanların hüquqlarına hörmət edilməsini tələb edən aksiyalar keçirib.
Rəy yaz