Qoşulmama Hərəkatının sammitində 4 sənəd qəbul ediləcək
Bakı/22.10.19/Turan: Oktyabrın 25-26-da Qoşulmama Hərəkatının XVIII Bakı sammitində 60-dan çox dövlət və hökumət başçısı iştirak edəcək, bu barədə bugünki brifinqdə Azərbaycan XİN başçısının müavini Ramiz Həsənov bildirib.
Ümumilikdə sammitdə 158 dövlət, hökumət, xarici işlər nazirliyi başçısı, habelə beynəlxalq təşkilatların rəhbərləri iştirak edəcək.
Venesueladan Nikolas Maduronun sammitə gəlib-gəlməyəcəyi barədə suala cavabda Həsənov deyib: "gözlənilir".
Sammitdən əvvəl oktyabrın 22-23-də yüksək səviyyəli məmurların və oktyabrın 23-24-də XİN başçılarının görüşləri keçiriləcək.
Sammitdə 4 sənədin - Yekun Bəyannamə, Bakı Siyasi Bəyannaməsi, Qəbul edən tərəfə Təşəkkür və Fələstinlə bağlı Bəyannamənin qəbul ediləcəyi gözlənilir.
İlk üç sənəddə Azərbaycanın Qarabağ münaqişəsi və digər xarici siyasi prioritetlərlə bağlı mövqeləri əksini tapacaq, deyə Həsənov bildirib.
Sammit Qoşulmama Hərəkatının 2016-cı il Venesuela sammitində əks olunmuş Azərbaycanın ərazi bütövlüyünə dəstək və münaqişənin bu prinsip əsasında nizamlanması zərurəti ilə bağlı mövqeyini təsdiq edəcək.
Sammitdə Qoşulmama Hərəkatına növbəti üç il üçün sədrlik Venesueladan Azərbaycana keçəcək. Bakının prioritetləri QH-nin məqsədlərinə - sülh və təhlükəsizliyin müdafiəsinə, bəşəriyyətin tərəqqisinə töhfə verilməsinə nail olmaq üzrə səylərin davam etdirilməsi olacaq.
Bundan başqa, Bakı QH-də daxili həmrəyliyin artırılmasına, beynəlxalq səviyyədə təşkilatın nüfuzunun gücləndirilməsinə, 1955-ci ildə qəbul edilmiş Bandunq prinsiplərinin təşviqinə şərait yaradacaq.
* QH 1961-ci ildə yaradılıb. Hazırda hərəkata 120 dövlət daxildir və o, BMT Baş Assambleyasından sonra dövlətlərin ən böyük beynəlxalq siyasi platformasıdır. Azərbaycan QH-də 2011-ci ildən etibarən iştirak edir. -06C-
-
- İqtisadiyyat
- 22 Oktyabr 2019 13:49
-
- İqtisadiyyat
- 22 Oktyabr 2019 14:51
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz