Qurgen Alaverdyan Azərbaycanda qalmaq istəyir

Bakı/26.08.20/Turan: Avqustun 23-də Goranboy istiqamətində əsir düşmüş erməni zabit Qurgen Alaverdyan Azərbaycan ərazisində təxribatın hazırlanmasında təqsirini etiraf edib.

O, istintaq zamanı yazılan 5 dəqiqəlik videomüraciətdə özünü Azərbaycanın işğal olunmuş Kəlbəcər rayonunda yerləşən hərbi hissənin rota komandiri adlandırır, ona tapşırılan əməliyyatın detallarını təsvir edir.

Onun sözlərinə görə, hazırlıq təxminən 20 gün davam edib. “Qrup güclü dumandan istifadə edərək Goranboy rayonuna irəliləyib, lakin azərbaycanlı hərbçiləri onları görüblər.

“Dur!” komandasından və xəbərdarlıq atəşindənsonra  biz geriyə qaçdıq. Qrupun digər üzvləri qaça bildi, mən isə qaranlıqda yolu azdım və əsir düşdüm", - Alaverdyan bildirib.

Əsir düşdükdən sonra hər hansı mənfi münasibət və ya təzyiqlə qarşılaşmayıb.

O, saxlanma şəraitindən və qidalanmadan qazıdır.

Alaverdyan öz müraciətini Azərbaycanda qalmaq və bu ölkəyə xidmət etmək istəyinin gözlənilməz etirafı ilə başa çatdırır. Bunun səbəbini belə izah edir: “Ermənistan Silahlı Qüvvələrinin Azərbaycan ordusuna qalib gəlmək şansı yoxdur”.

Alaverdyan öz müraciətini öncədən yazılmış mətndən oxuyub.

Xatırladaq ki, erməni zabitinə qarşı cinayət işi açılıb və onu ömürlük həbs təhlükəsi gözləyir. -02D-