Rauf Mirqədirovun Ankaradakı mənzilində axtarış (YENİLƏNİB)
Jurnalistin həyat yoldaşı səfirliyin binasında 5 saata yaxın dindirilib. Onun vəkili olmayıb. Bütün bu müddətdə azyaşlı qızı onun yanında olub. Babaxanova dindirmə protokollarını imzalamaqdan imtina edərək ona vəkil verilməsini tələb edib.
* * *
Son məlumatlara görə, Rauf Mirqədirovun həyat yoldaşı Adilə Babaxanova Azərbaycanın Türkiyədəki səfirliyinə dəvət edilib və Bakıdan gələn müstəntiqlər tərəfindən dindirilir.
2014 May 04 (Bazar) 17:54:05
Bazar günü günorta çağlarında Türkiyənin xüsusi xidmət orqanları Ankarada, həbs edilən jurnalist Rauf Mirqədirovun həyat yoldaşı və uşaqlarının yaşadığı evdə axtarış aparıblar.
Jurnalistin həyat yoldaşı Adilə Babaxanova Turan-a bildirib ki, mənzilə 11 nəfər gəlib. Ona deyiblər ki, axtarış Azərbaycan hakimiyyətinin sorğusuna uyğun olaraq aparılır.
Axtarış zamanı bir sıra sənədlər və elektron daşıyıcılar, o cümlədən jurnalistin qızının planşeti götürülüb. Bundan sonra Azərbaycan səfirliyinin nümayəndəsi mənzilə gəlib və jurnalistin xanımını sorğu-sual edib.
Xatırladaq ki, Ermənistanın xeyrinə casusluqda ittiham edilən "Zerkalo" qəzetinin şərhçisi Rauf Mirqədirov 19 apreldə Türkiyədən deportasiya edilib. Onu Bakı hava limanında həbs ediblər.
Xanımı və iki uşağı Türkiyədə qalıb. Son üç ildə jurnalist ailəsi ilə bu ölkədə yaşayırdı. -0-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz